Госдуума саайтыттан
РФ Госдуумаҕа Ыччат бэлиитикэтин кэмитиэтэ кулун тутар 20 күнүгэр Саха сиригэр «Ыччаты кытта патриотическай үлэҕэ сокуоннары тупсарыы» тиэмэҕэ көһө сылдьар мунньаҕы тэрийэн ыытыаҕа.
Ол курдук, Госдуумаҕа Ыччат бэлиитикэтин кэмитиэтин дэлэгээссийэтэ бу сыл кулун тутар 20-21 күннэригэр Саха Өрөспүүбүлүкэтигэр ыалдьыттыаҕа.
Парламентарийдар ыччаты кытта патриотическай үлэҕэ федеральнай сокуоннар барылларын дьүүллэһиэхтэрэ. Өрүттэр Российскай Федерацияҕа патриотическай иитии тиһигин тупсарыыга уонна ыйыллыбыт эйгэҕэ нуормалыыр-быраап быраабылаларын бэрээдэктээһиҥҥэ этиилэри көрүөхтэрэ. Оттон РФ субъектара патриотическай иитии үлэтин тэрийии уопутун кытта үллэстиэхтэрэ.
Маны сэргэ көһө сылдьар мунньах кыттыылаахтара Российскай Федерацияҕа ыччаты патриотизмҥа иитиигэ уонна дойдуга патриотическай иитии төһө көдьүүстэээҕин кэтээн көрүүгэ дьаһаллары ырытан оҥорууга уонна олоххо киллэриигэ этиилэрин киллэриэхтэрэ.
Госдуума дьокутааттарын көрсө Саха сиригэр ыччат бэлиитикэтин олоххо киллэриигэ биир кэлим ньымалары оҥорон таһаарыыга судаарыстыбаннай патриотическай иитии боппуруостарын дьүүллэһии, ону тэҥэ федеральнай сокуон барылын оҥорууга бииргэ үлэлээһин боппуруостарын көрүү былааннанар.
Киирбит этиилэри учуоттаан Госдуума кэмитиэтэ туһааннаах быһаарыыны ылыныаҕа.
Киин куоракка ыытыллар Госдуума сис кэмитиэтин көһө сылдьар мунньаҕар РФ субъектарын сокуону оҥорон таһаарар уонна ситэриилээх былаас уорганнарын бэрэстэбиитэллэрэ, эспиэрдэр, уопсастыбаннай тэрилтэлэр кыттыыны ылыахтара, диэн Ил Түмэн пресс-сулууспата суруйар.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…