Хаартыска: СӨ Ил Дарханын уонна Бырабыыталыстыбатын пресс-сулууспата
Саха сиригэр муус устар 20 күнүгэр бэлиэтэнэр Арассыыйаҕа Донор национальнай күнүгэр хаан уонна уҥуох мэйиитин туттарыытын киэҥ араҥаҕа тарҕатыытын нэдиэлэтэ саҕаланна.
Дьокуускайга нэдиэлэ устата Хаан ыстаансыйатыгар аһымал аахсыйа ыытыллыаҕа. Хаан донорынан 18 сааһын туолбут, 50-тан тахса киилэ ыйааһыннаах, доруобай, мэдиссиинэ чинчийиитин ааспыт киһи буолуон сөп. Хааны туттарарга пааспары уонна СНИЛС илдьэ сылдьар ирдэнэр, диэн СӨ Ил Дарханын уонна Бырабыыталыстыбатын пресс-сулууспата суруйар.
«Хаан туттарыыта олоҕу быыһааһын сүрүн көстүүтэ. Сыл аайы сүүһүнэн тыһыынча киһи дойдуга хааҥҥа уонна уҥуох мэйиитигэр наадыйар. Бу биһиги хас биирдиибит киһи олоҕун быыһыырга бэйэтин кылаатын киллэрэргэ уһулуччулаах көрдөрүү. Хааны туттарыы куттала суох уонна мэдиссиинэ үлэһиттэринэн хонтуруолланар», — диэн Доруобуйа харыстабылын министиэристибэтигэр бэлиэтииллэр.
Хаан туттарыытын ыстаансыйатын аадырыһа: Дьокуускай к., Петр Алексеев аатын уул., 87. Үлэ чааһа: бэнидиэнньиккэ киэһэ 8.30-12.00 чааска диэри, бээтинсэҕэ- 8.30-11.00 чааска диэри. Регистратура төлөпүөнэ: 43-21-96.
Санаттахха, хаан туттарбытын кэннэ, донорга эбии өрөбүл күн бэриллэр, онно хамнаһа төлөнөр уонна үчүгэйдик аһыырыгар диэн тиийинэн олоруу алын кээмэйиттэн 5%-гар тэҥнэһэр суумалаах харчыны биэрэллэр. Онтон бастайааннай донордарга бу харчы тиийинэн олоруу алын кээмэйин 18%-гар тэҥнэһэр.
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.