Саха сиригэр «Хаар куйаар номохторо» киинэ сэтинньигэ сүрэхтэниэ

«Сахафильм» киинэ хампаанньата режиссер Алексей Романов уһулбут «Хаар куйаар номохторо» киинэ трейлерын таһаарда.

Трейлеры кытта уус-уран киинэ бу сыл сэтинньи  7 күнүгэр киэҥ экрааҥҥа тахсара билиннэ.

Эдэр кыыһы күүстэринэн кырдьаҕас кинээскэ ойох биэрэллэр. Саҥа кийиит кыыһы аҕалаары Хабый икки көмөлөһөөччүтүн кытта кыс ортото айанныыллар. Аара суолга Ньукуус кыыһы таптыыр. Кинилэр айан суолларыгар элбэх муҥу-эрэйи көрсөллөр, бүтэһигэр дьылҕалара Хабый кистэлэҥин харыстыыр балаҕаныгар тиэрдэр.

Санаттахха, киинэ II Бишкектээҕи норуоттар икки ардыларынааҕы киинэ бэстибээлигэр гран-при сүрүн бирииһин ылары ситиспитэ. Режиссер 1986 сыллааҕы Н.Заболоцкай «Мааппа» айымньытынан устубут дипломнай үлэтин салгыыта буолар.