Хаартыска -- ЯСИА
Саха сирэ соругун көдьүүстээхтик толорорун туһунан эспиэрдэр хаарбах дьиэттэн дьону көһөрүү бырагыраамата тэтимнээхтик үлэлиирин кэпсэтии кэмигэр бэлиэтээтилэр.
Ол курдук, бу бырагыраамаҕа олоҕуран, 2024 сылга дьону көһөрөр олорор дьиэ иэнэ 1 мөл. квадратнай миэтэрэҕэ тэҥнэһиэҕэ. «Ленскэй кулууп» бу бырагыраама олоххо киириитин туһунан Судаарыстыбаннай Дуума тутууга уонна ОДьКХ сис кэмитиэтин бэрэссэдээтэлин бастакы солбуйааччыта Владимир Кошелевы уонна геодемография уонна М.В. Ломоносов аатынан МГУ тулалыыр эйгэни сайыннарыы киинин дириэктэрэ Александр Панины кытта дьүүллэстэ. Саха сирэ дойдуга хаарбах дьиэттэн дьону көһөрүүгэ иккис миэстэҕэ сылдьар. Ол курдук, 40 тыһ тахса киһи эргэ дьиэтин саҥа дьиэҕэ уларытта. Эрэгийиэҥҥэ олорор дьиэни саҥардыы РФ Бэрэсидьиэнэ Владимир Путин тус хонтуруолугар турар. Кулун тутан 14 күнүгэр Ил Дархан Айсен Николаев дойду баһылыгын кытта көрсөн, хаарбах дьиэттэн көһөрүү бырагырааматын олоххо киллэриигэ эбии үбүлээһин наадатын кэпсэппитэ.
«Территориялар сайдыыларын пуондатыгар Саха сирин сайаапкатын ылынан, эбии үбүлээһини көрүөххэ сөп», — диэн дьокутаат Владимир Кошелев бэлиэтээтэ.
«Саха сирэ демографическай көрдөрүүтүн көрө олорон, дьон олорор дьиэҕэ наадыйара элбээбитин өйдүүбүт. Тутуу сыаната да ыарахан, Арассыыйа атын эрэгийиэннэригэр тэҥнээтэххэ, тутуу сезона да кылгас», — диэн эбэн эттэ Александр Панин.
Бу нэдиэлэ уратылаах: саҕаланыыта Скорпион бэлиэтин дириҥ уонна чинчийэр энергиятынан салайтарар, оттон иккис аҥаара Стрелец…
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…