Өрөспүүбүлүкэ халааҥҥа түбэспит нэһилиэктэригэр уу түспүтүн кэннэ ситэриилээх былаас судаарыстыбаннай уорганнарын кэллэктииптэрин күүһүнэн ыраастыыр субуотунньуктар ыытыллалар. Бу туһунан бүгүн гражданскай оборуона дьыалаларыгар уонна нэһилиэнньэҕэ куттал суох буолуутун хааччыйыы миниистирин солбуйааччы Айаал Вензель иһитиннэрдэ.
Өлүөнэ өрүскэ муус Эдьигээн уонна Кэбээйи оройуонунан ааһар. Дьааҥы өрүскэ муус Дьааҥы уонна Усуйаана оройуонунан устар. Индигиир өрүскэ Өймөкөөн уонна Муома оройуоннарынан муус устар, өрүс былаһын тухары уу таһыма үрдүүрэ бэлиэтэнэр.
«Халыма өрүскэ Аллараа Халыма оройуонун Халыма сэлиэнньэтин аттынан муус хамсаата. Бэҕэһээ суһал бөлөх Черскэй бөһүөлэгэр көспүтэ уонна Халыма сэлиэнньэтигэр быыһааччылар илдьиллибиттэрэ», – диэтэ Айаал Вензель.
Кини Нам оройуонугар эрдэ халаан уутугар барбыт нэһилиэктэр бары ууттан босхоломмуттарын иһитиннэрдэ. Быстах олорор үс пууҥҥа 178 киһи олорор, атыттар аймахтарынан уонна оройуон тас өттүгэр барбыттар.
«Өлүөхүмэ оройуонугар эбии медиктэр ыытылыннылар, энэргиэтиктэргэ Таас Анна, 1-кы Нөөрүктээйи, Бирюк сэлиэнньэлэригэр чөлүгэр түһэрэр үлэни тэтимирдэр сорук турда. Хоромньуну ааҕар хамыыһыйа үлэлиир», – диэн миниистири солбуйааччы бэлиэтээтэ.
Амма улууһугар Аҕа дойду Улуу сэриитин уотун ортотунан ааспыт көлүөнэ дьон Сулуһа суох Дьоруойунан билинэр,…
Бэҕэһээ, ыам ыйын 8 күнүгэр, Дьокуускай куоракка аан бастыкытын ыытыллыбыт "Кыайыы вальсыгар" үгүс киһи үөрэ-көтө…
Дьокуускайга "Өлбөт үйэлээх полк" Бүтүн Арассыыйатааҕы үгэскэ кубулуйбут аахсыйа буолан ааста. Быйыл манна 50 тыһыынчаттан…
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…
80 сыл анараа өттүгэр, ыам ыйын 9, 10 күннэригэр, “Кыым” хаһыакка тугу суруйбуттарай? Бу суруйуулары…
Бу күннэргэ социальнай ситимнэринэн Өлүөнэ кытылын үрдүгэр, Дьоруойдар аллеяларыгар сэрии кэминээҕи таҥастаах эдэркээн кыргыттар, уолаттар…