Бу күннэргэ Ил Дархан Айсен Николаев халааҥҥа эмсэҕэлээбит Нам уонна Өлүөхүмэ улуустарыгар сылдьан, халааҥҥа эмсэҕэлээбит дьону кытта сирэй көрүстэ, балаһыанньаны кытта олохтоохтук билсэн кэллэ.
Оробуочай сырыытын кэмигэр Аҕа баһылык быстах кэмҥэ дьон олорор пууннарын, аһыыр сирдэри, мэдиссиинэ өҥөтүн оҥорууну кытта билистэ, эмсэҕэлээбит дьон дьиэлэригэр сылдьан бэйэтинэн балаһыанньаны көрдө-иһиттэ. Бу туһунан «Ленскэй кулуупка» кэпсэтиигэ политическай консультаан Владимир Лубянко бэлиэтээтэ.
— Эрэгийиэн баһылыга бэйэтинэн сылдьан кыһалҕалаах дьону кытта көрсөн кэпсэтэн, үөскээбит уустуктары, тахсыбыт хоромньуну илэ көрүүтэ-истиитэ, тустаах дьаһаллары, миэрэни ылыыга улахан көмөлөөҕө чахчы, — диэн бэлиэтээтэ политолог.
Эксперт былаас уорганнара иһитиннэрэр-биллэрэр эйгэҕэ аһаҕастарын, халаан хаһан ханна кэлбитин уталыппакка биллэрэн, дьону ыксаллаах балаһыанньаҕа киирбэттэрин туһугар эрдэттэн сэрэтэр миэрэллэри ылалларын, эмсэҕэлээбит дьоҥҥо хантан туох көмө оҥоһулларын өйдөтөн иһэллэрин сэргээтэ.
“Төһөнөн элбэхтик ханнык-туох өйөбүл оҥоһулларын иһитиннэрэн иһэҕин да, дьон мунаарар боппуруоһа аҕыйыыр, өйөбүл баарын өйдүүр. Саха сиригэр айылҕа иэдээниттэн эмсэҕэлээбит дьоҥҥо көмө көдьүүстээхтик, суһаллык тэриллэн, өйөбүл кэмигэр олохтоохтук оҥоһуллан эрэр”, — диэн Владимир Лубянко санаатын үллэһиннэ.
Сиһилии «Ленскэй кулууп» матырыйалыттан билсиэххэ сөп.
Алтынньы 18 күнүгэр Саха Өрөспүүбүлүкэтин Ил Дархана Айсен Николаев уонна СӨ Судаарыстыбаннай Мунньаҕын (Ил Түмэн)…
Ааспыт нэдиэлэттэн Арассыыйа үрдүнэн ордук үрүҥ ас сыаната үрдээтэ. Алтынньы 8-14 күннэригэр дойдуга сыана хайдах…
“Саха сирэ” хаһыат бүгүн ”Тыа сирэ - уйгу төрдө” диэн анал таһаарыылаах таҕыста. Анал сыһыарыыны…
Саха сиригэр хаһаайына суох бэйдиэ сылдьар кыыллары иитии тэрээһиннэригэр үбүлээһини улаатыннаран, 100 мөл. солк. диэри тиэрдэр…
Социальнай харысхал өрөспүүбүлүкэтээҕи комплекснай киинэ Донбасска Хотугулуу-илиҥҥи көмөнү уонна өйөбүлү оҥоруу пуондатыгар ПАЗ-32054 оптуобуһу туттарда.…
[gallery ids="49310,49309,49308,49307"]