Хаартыска -- СИА.
РФ Бырабыыталыстыбатын хамыыһыйатын мунньаҕар ыксаллаах быһыыны-майгыны суох оҥорууга уонна саахал содулларын туоратыыга миниистирэ Александр Куренков Саха сиригэр эрэгийиэннээҕи ыксаллаах быһыы-майгы эрэсиим ыстаатыһын федеральнай таһымҥа уларытарга этии киллэрдэ.
Бу быһаарыы халаан содулун суһаллык туоратарга уонна эмсэҕэлээбиттэргэ кэмпэнсээссийэ толору төлөбүрдэринэн хааччыйыаҕа. Хамыыһыйа мунньаҕар Саха сирин Бырабыыталыстыбатын бастакы вице-премьера Дмитрий Садовников кытынна. Кини этэринэн, быйыл сааскы халаан уутун содулуттан хоромньу кээмэйэ 2,9 млрд солк. тэҥнэһэр. «Хорумньу кээмэйин суоттааһынын тэрээһиннэрэ Нам, Өлүөхүмэ, Ньурба улуустарыгар түмүктэннэ уонна Анаабырга салҕанар», – диэн СӨ Ил Дарханын уонна Бырабыыталыстыбатын пресс-сулууспата иһитиннэрдэ.
Быйыл сааскы халаан уутун суодулуттан 4 улуустарынан барыта 27 нэһилиэк эмсэҕэлээтэ. 1168 ыал уһаайбата, 1010 олорор дьиэ ууга барбыта биллэр. Эмэсэҕэлээччи киһи ахсаана — 4056. Халаан уутуттан тырааныспар уонна олох-дьаһах хомунаалынай инфраструктуратын эбийиэктэрэ, уотунан хааччыйыы, тыа хаһаайыстыбатын, үөрэх уонна доруобуйа харыстабылын эбийиэктэрэ кээһэннилэр. Барыта айан суол 136 учаастага алдьаммыта регистрацияланна. 1040 олорор дьиэ, ол иһигэр 912 чааһынай олорор дьиэ уонна 35 элбэх кыбартыыралаах дьиэ эмсэҕэлэннэ. 63 олорор дьиэ уонна икки фельдшерскэй-акушерскай пуун эбийиэктэрэ чөлүгэр түһэриллэр кыахтара суох.
Аҕа дойду сэриитигэр Улуу Кыайыы үбүлүөйдээх 80 сылын тэрээһиннэрин түмүктүүр "Уоттаах сэрии сылларыгар" кинигэ биһирэмэ…
СӨ Бырабыыталыстыбатын Бэрэссэдээтэлин бастакы солбуйааччы Дьулустаан Борисов "Үтүө санаа харыйата" аахсыйаҕа кыттыыны ылла. Адаптивнай үөрэх…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Хаарчаана бэлэҕэ"…
Бастыҥ волонтерскай көҕүлээһиннэр уонна устудьуоннар түмсүүлэрэ "Уһук Илин сулуһа" бириэмийэнэн бэлиэтэннилэр. РФ Бырабыыталыстыбатыгар сыл ахсын…
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…
Бу күннэргэ Дьокуускайга Арчы дьиэтигэр сырдык санааны саҕар ис хоһоонноох дьоро тэрээһин буолан ааста. Бу…