Саха сиригэр хантараагынан байыаннай сулууспаҕа сайаапкалары хомуйарга «яконтракт14.рф» эбии саайт үлэлээтэ

Саха сиригэр «яконтракт14.рф» саҥа саайт үлэҕэ киирдэ. Манна хантараагынан байыаннай сулууспаҕа сайаапка хаалларыахха сөп. Бу туһунан бэс ыйын 3 күнүгэр Дьокуускайга хантараагынан сулууспаҕа гражданнары түмэр пууҥҥа иһитиннэрдилэр.

«Российскай Федерация Сэбилэниилээх күүстэрин кэккэтигэр байыаннай сулууспаҕа хантаараак түһэрсиэн баҕалаах гражданнар «яконтракт14.рф» саҥа саайтка киирэн сайаапка хаалларыахтарын сөп. Инструктордар киирбит сайаапкаларынан кылгас болдьох иһигэр пууҥҥа эбии иһитиннэриилэри бириэхтэрэ», — диэн пууҥҥа кэпсээтилэр.

Дьокуускай, Нерюнгри уонна Мииринэй пууннарынан дойду Сэбилэниилээх күүстэрин хаҥатыыга үлэлэрин салгыыллар. Хас биирдии хандьыдааты кытта пуун инструктордара кэпсэтэллэр, ол түмүгүнэн байыаннай идэтин быһаараллар.

Хантараагынан сулууспалыыр байыастарга көрүллэр социальнай чэпчэтиилэр уонна мэктиэлэр туһунан иһитиннэриилэри маннык аадырыстарынан ылыахха сөп: Дьокуускайга — Чепалов уул., 23 дь., Сэргэлээхтиир шоссе, 1 дь., Нерюнгрига — Чурапчинская уул., 33 куорпус 3 дь., Мииринэйгэ – 40 лет Октября уул., 26 дь.. Бары кииннэр 09:00-18:00 ч. өрөбүлэ суох үлэлииллэр. Ону тэҥэ байыаннай комиссариакка уонна дьаһалтаҕа тиийиэххэ сөп.

Онуоха маннык докумуоннардаах буолуохтаахтар: пааспар, СНИЛС, ИНН, үөрэх докумуона, байыаннай билиэт, оҕо төрөөбүтүн уонна оҕоломмутун туһунан туоһу сурук..
Хантараагынан байыаннай сулууспаҕа киирбит дьоҥҥо биир кэмнээх төлөбүрдэр төлөнөллөр: СӨ — 1 мөлүйүөн 800 тыһыынча солкуобай, Российскай Федерация Оборуонатын министиэристибэтэ — 400 тыһыынча солкуобай. Ону тэҥэ муниципальнай тэриллиилэриттэн — 400 тыһыынча солкуобай.

Сиһилии суукканы быһа төлөпүөнүнэн эрийэн билсиэххэ сөп: 8 (4112) 32-10-40, 8 (924) 166-13-93, ону таһынан службапоконтракту14.рф. саайтка.