Саха сиригэр хантараагынан байыаннай сулууспа боппуруостарыгар саайт үлэлиир

Саха сиригэр Байыаннай сулууспаҕа гражданнары сүүмэрдиир биир кэлим киин баазатыгар хантараагынан байыаннай сулууспаҕа барыан баҕалаахтарга саайт үлэлиир.

Бу туһунан Дьокуускайдааҕы байыаннай сулууспаҕа сүүмэрдиир пуун инструктора, Арассыыйа сэбилэниилээх күүстэрин старшай прапорщига Алексей Колесов иһитиннэрдэ.

Кини хантараагынан сулууспа туһунан толору информация службапоконтракту14.рф саайтка ыйыллыбытын бэлиэтээтэ. Гражданнар байыаннай сулууспаҕа сүүмэрдиир пууҥҥа сайабылыанньа бириэхтэрин сөп.

«Порталга хантараагынан байыаннай сулууспа туһунан толору информация баар. Гражданнар сайаапкаларгытын онлайн киэбинэн саайтка хаалларыаххытын сөп», — диэн кэпсээтэ Дьокуускайдааҕы байыаннай сулууспаҕа сүүмэрдиир пуун инструктора, Арассыыйа сэбилэниилээх күүстэрин старшай прапорщига Алексей Колесов.

СӨ Ил Дарханын уонна Бырабыыталыстыбатын пресс-сулууспата