Саха сиригэр хантараагынан байыаннай сулууспаҕа сүүмэрдээһин салҕанар

Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи брифиҥҥэ сүүмэрдээһин биэс хардыытын туһунан санаттылар.

«Дьокуускай, Мииринэй уонна Нерюнгри куораттарга хантараагынан байыаннай сулууспаҕа гражданнары сүүмэрдиир биир кэлим кииннэргэ пуун инструктордара хас биирдии хандьыдааты кытта сэһэргэһиини ыыталлар уонна ол түмүгүнэн байыаннай идэтин быһаараллар, ону таһынан хантараагынан сулууспалыыр байыаннайдар социальнай чэпчэтиилэрин уонна мэктиэлэрин туһунан сиһилии тиэрдэллэр», – диэн Дьокуускайдааҕы сүүмэрдиир пууҥҥа иһитиннэрдилэр.

Инструктордар этэллэринэн, хантараагынан байыаннай сулууспаҕа киирэргэ биэс хардыыны оҥоруохха наада:

1. Докумуоннары сүүмэрдиир пууҥҥа эбэтэр байыаннай комиссариакка туттарыы;
2. Социальнай-психологическай үөрэтиини ааһыы;
3. Мэдиссиинэ көрүүтүн ааһыы;
4. Байыаннай сулууспаны ааһар туһунан хантараак түһэрсии;
5. Предписание ылан, байыаннай чааска барыы.

Сүүмэрдиир пууннар өрөбүлэ суох 09:00 чаастан 18:00 чааска диэри маннык аадырыстарынан үлэлииллэр: Дьокуускайга – Чепалов уул., 23 дь., уонна Сэргэлээхтиир шоссе 11-с км, 1, Нерюнгрига – Чурапчинская уул., 33, 3 куорпус, Мииринэйгэ – 40 лет Октября уул., 26. Ону таһынан, олорор сиринэн байыаннай комиссариакка уонна дьаһалтаҕа тиийиэххэ сөп. Хантараак түһэрсэргэ пааспар, байыаннай билиэт, үөрэх туһунан докумуон, баар буоллахтарына кэргэн ылыы уонна оҕолор төрөөбүттэрин туһунан сибидиэтэлистибэлэр наада буолуохтара.

Хантараагынан байыаннай сулууспаҕа биир кэмнээх төлөбүрдэр ананаллар, уопсай суумата 2 мөл. 600 тыһ. солкуобайтан саҕаланар, ол иһигэр Саха Өрөспүүбүлүкэтиттэн 1 мөл. 800 тыһ. солк.,  РФ Оборуонатын министиэристибэтиттэн 400 тыһ. солк. Муниципальнай тэриллиилэртэн эмиэ төлөбүрдэр бааллар — кээмэйдэрэ 400 тыһ. солкуобайтан саҕаланар.

Эбии информацияны сүүмэрдиир кииннэртэн, байыаннай комиссариаттартан эбэтэр яконтракт14.рф саайтан, ону таһынан бу нүөмэрдэринэн: 8 (4112) 32-10-40, 8 (924) 166-13-93  билсиэххэ сөп.