Саха сиригэр хантараагынан байыаннай сулууспаҕа сүүмэрдээһин салҕанар.
Бүгүн, олунньу 6 күнүгэр, брифиҥҥэ Дьокуускайга хантараагынан байыаннай сулууспаҕа гражданнары сүүмэрдиир пууҥҥа РФ Оборуонаҕа министиэристибэтин кытта хантараак түһэрсэр гражданнар сулууспаҕа үрдүк таһымнаах патриотизмы көрдөрөллөрүн бэлиэтээтилэр.
—Дьокуускайга, Мииринэйгэ уонна Нерюнгрига сүүмэрдиир пууннарга хас күн ахсын гражданнар хантараагынан байыаннай сулууспа туһунан ыйыталлар. Кинилэр ортолоругар бойобуой уопуттаахтар, бойобуой дьайыыга кыттыбатахтар бааллар, кинилэр Ийэ дойдуларын көмүскүүргэ бэлэмнэр. Барыларын патриотизм уонна Ийэ дойдуну көмүс күүргэ быһаарыныылара түмэр, — диэн пууҥҥа этэллэр.
Сүүмэрдиир пууннар 09:00-18:00 ч. диэри өрөбүлэ суох үлэлииллэр. Аадырыстара: Дьокуускайга Чепалов уул. 23, уонна Сэргэлээх шоссетын 11 км, 1, Нерюнгрига – Чурапчы уул., 33, 3 куорпус, Мииринэйгэ – Өктөөп 40 сыла уул., 26. Ону таһынан, олорор сиринэн байыаннай комиссариакка уонна дьаһалтаҕа тиийиэххэ сөп. Хантараак түһэрсэргэ пааспар, СНИЛС, ИНН, байыаннай билиэт, үөрэх туһунан докумуон, кэргэн ылбытын уонна оҕолор сибидиэтэлистибэлэр наада буолаллар.
Санатан эттэххэ, хантараагынан байыаннай сулууспаҕа биир кэмнээх төлөбүрдэр ананаллар, уопсай суумата 2 мөл. 600 тыһ. солкуобайтан саҕаланар, ол иһигэр Саха Өрөспүүбүлүкэтиттэн 1 мөл. 800 тыһ. солк., РФ Оборуонатын министиэристибэтиттэн 400 тыһ. солк. Маны сэргэ, муниципальнай тэриллиилэртэн төлөбүрдэр эмиэ бааллар, кээмэйдэрэ 400 тыһ. солкуобайтан саҕаланар. Эбии информацияны сүүмэрдиир кииннэртэн, байыаннай комиссариаттартан эбэтэр яконтракт14.рф саайтан, ону таһынан бу нүөмэрдэргэ эрийиэххэ сөп: 8 (4112) 32-10-40, 8 (924) 166-13-93.
СӨ Ил Дарханын уонна Бырабыыталыстыбатын пресс-сулууспата
Сиһилии: https://www.sakha.gov.ru/news/20929
Үөһээ Бүлүү улууһугар ыытылла турар “Барахов ааҕыылара” үс бүк өрөгөйдөөх. Ол курдук, И.Н.Барахов аатынан 1-кы…
Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы Ольга Балабкина олунньу 12 күнүгэр Бэчинчэҕэ судаарыстыбаннай былаас ситэриилээх уорганын…
Өрөспүүбүлүкэҕэ суукка иһигэр икки буруйу оҥоруу таҕыста, холуобунай дьыалалары силиэстийэлээһини борокуратуура хонтуруолугар тутан олорор. Горнай…
“Саха сирэ” хаһыат үүт соҕотуопкатын боппуруоһун болҕомто киинигэр өрүү тутар. Ааспыт нэдиэлэҕэ “Үүт харчыта төлөннөҕүнэ,…
Олунньу 13 күнүгэр түүн 00:15 чааска Мииринэйдээҕи диспетчерскэй сулууспа дьуһуурунайыгар икки эр киһи сүппүтүн туһунан…
Ытыктабыллаах Саха сирин олохтоохторо! Эһигини Төрөөбүт тыл уонна сурук-бичик күнүнэн ис сүрэхпиттэн эҕэрдэлиибин! Бу саха…