Саха сиригэр хантараагынан байыаннай сулууспаҕа сүүмэрдээһин үлэтэ салҕанар

Өрөспүүбүлүкэҕэ РФ Сэбилэниилээх Күүстэригэр хантараагынан байыаннай сулууспаҕа дьону сүүмэрдээһин үлэтэ салҕанар.

Гражданнары  хантараагынан байыаннай сулууспаҕа сүүмэрдээһин биир кэлим кииннэр тэриллибит сирдэригэр ыытыллаллар.

«Хандьыдааттар бэлиэтииллэринэн, кинилэри патриотизм, ытык иэс уонна бүгүн Ийэ дойдуларын уонна чугас дьоннорун кэскилин көмүскүүр биир дойдулаахтарын өйүүр баҕа санаа хамсатар», – диэн Дьокуускай куоракка хантараагынан байыаннай сулууспаҕа сүүмэрдиир  пууҥҥа иһитиннэрэллэр.

Санатан эттэххэ, биир кэлим кииннэргэ байыаннай сулууспаҕа киирэргэ бары наадалаах тэрээһиннэри ааһаллар: мэдиссиинискэй көрүүлэр, психологическай чинчийии, наадалаах докумуоннары толоруу. Дьокуускай, Нерюнгри уонна Мииринэй куораттарга сүүмэрдиир пууннар 09:00 чаастан 18:00 чааска диэри өрөбүлэ суох бу аадырыстарынан үлэлииллэр:

• Дьокуускайга – Чепалов уул., 23 дь., уонна Сэргэлээхтиир шоссе 11 км, 1.
• Нерюнгрига – Чурапчинскай уул., 33 дь., 3 куорпус.
• Мииринэйгэ – Октябрьскай 40 сыла уул., 26 дь.

Ону таһынан, олорор сиринэн байыаннай комиссариакка уонна дьаһалтаҕа билсиэххэ сөп. Илдьэ кэлэр докумуоннар: Пааспар, СНИЛС, ИНН, үөрэх туһунан докумуон, байыаннай билиэт, кэргэннии буолуу уонна оҕолор төрөөбүттэрин туһунан туоһу суруктар (баар буоллахтарына).