Хаартыска: Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Саха сиригэр кылгас болдьохтоох хантараагынан байыаннай сулууспаҕа хандьыдааттары сүүмэрдээһин бара турар. Хандьыдааттары талыыга Доруобуйа харыстабылын министиэристибэтэ “Абырал” санаторий базатыгар бары мэдиссиинискэй көрүүлэри кииннээбитэ уонна толору маршрутун торумнаата.
“Хантыраагынан байыаннай сулууспаҕа гражданнары сүүмэрдиир биир кэлим киин хандьыдааттары мэдиссиинискэй чинчийиинэн хааччыйар. Өрөспүүбүлүкэ Доруобуйаҕа харыстабылын министиэристибэтэ тэрээһин үлэни ыытта, баҕа өттүнэн барыан баҕалаахтар түргэнник “Абырал” санаторийга суукка устата толору чинчийиини ааһалларын туһугар. Ол курдук, анаалыһы ылыы, атын мэдиссиинэ тэрилтэлэригэр диспансернай учуокка туралларын туһунан ыспыраапканы ылыы, сүрэҕи ЭКГ түһэрии ыытыллар. Ону тэҥэ санаторий тиэргэнигэр ПАЗ оптуобус иһигэр ФЛГ-чинчийиини оҥороллор. Хас биирдии киһини терапевт, ЛОР-быраас, офтальмолог, невролог, хирург көрөллөр. Чинчийии түмүгүн байыаннай комиссариакка мэдиссиинискэй туоһулааһыҥҥа бэриллэр”, — диэтэ 3 №-дээх өрөспүүбүлүкэтээҕи балыыһа кылаабынай бырааһа Ольга Татаринова.
Салгыы хандьыдааттар мэдиссиинискэй көрүүлэрин түмүгэ өрөспүүбүлүкэтээҕи байыаннай комиссариат Киин байыаннай-быраас хамыыһыйатыгар ыытыллар. Уонна кылгас хантараагынан байыаннай сулууспаҕа сөптөөҕө быһаарыллар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…