Хаартыска: СИА
«Абырал» санаторий баазатыгар хантараагынан байыаннай сулууспаҕа гражданнары сүүмэрдиир биир кэлим киин тэрилиннэ. Манна биир хонук устата хандьыдааттар сүүмэрдиир дьаһаллары бараллар.
Киин исписэлиистэрэ «биир түннүк» схеманан үлэлииллэр. Манна байыаннай-быраастар хамыыһыйата үлэлиир, хандьыдааттар толору мэдиссиинэ көрүүтүн уонна психологтар консультацияларынан ааһаллар.
«Күн бүтүүтэ түмүк тахсар. Хандьыдаат доруобуйатыгар ханна да халбаҥнааһына суох буоллаҕына, А, Б уонна В категорияларынан пуун инструктордара хандьыдаакка бирикээс бырайыагын бэлэмнииллэр. Хандьыдаат ханна сулууспалыан баҕарар байыаннай чааһын кытары быһаарабыт», — диэн Дьокуускай куорат хантараагынан сулууспалааччылары сүүмэрдиир пуун инструктора, старшай прапорщик Алексей Колесов кэпсээтэ.
Хантараагынан байыаннай сулууспаны ааһыан баҕалаахтар олорор сирдэринэн эбэтэр оройуон дьаһалтатыгар баар байыаннай комиссариаттарга тиийиэхтэрин сөп.
Хандьыдааттар ирдэбиллэрэ маннык: 18-тан 59-гар диэри саастаахтар, сорох түгэннэргэ 65-гэр диэри саастаахтар. Тоҕус кылаастан итэҕэһэ суох үөрэхтээхтэр уонна А, Б уонна В категорияҕа доруобуйатынан чөл туруктаахтар.
Хантараагынан сулууспалаахтарга өрөспүүбүлүкэттэн биир кэмнээх төлөбүр олохтоммута. Төлөбүр кээмэйэ 150 тыһ. солкуобай, ону таһынан байыаннай сулууспалаахтар дьиэ кэргэттэрин чилиэттэригэр 200 тыһ. солк. төлөнөр.
СӨ Ил Дарханын уонна Бырабыыталыстыбатын пресс-сулууспата
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…