Саха сиригэр хантыраах түһэрсэр байыаннай сулууспалаахтарга эригийиэннээҕи төлөбүр 900 тыһыынча солкуобай буолла

Бүгүн, атырдьах ыйын 31 күнүгэр, Ил Дархан Айсен Николаев байыаннай сулууспаҕа дуогабарадаспыт дьоҥҥо эригийиэннээҕи төлөбүрү 900 тыһыынча солкуобайга диэри үрдэтэр анал ыйаахха илии баттаата.

Биир кэмнээх төлөбүр Дьокуускай куоракка сүүмэрдиир пууҥҥа уонна өрөспүүбүлүкэ Национальнай гвардиятын управлениетыгар байыаннай сулууспаҕа хантарааҕынан дуогабардаһар дьоҥҥо оҥоһуллар.

Төлөбүр кээмэйин үрдээһинэ Саха сирин байыаннай комиссариатынан ыҥырыллыбыт мобилизованнай байыаннай сулууспалаахтарга уонна сулууспаҕа ыҥырыллыбыт саллааттарга эмиэ дьайыаҕа. Байыаннай чаастарга дуогабар түһэрсэр буоллахтарына, биир кэмнээх төлөбүр эрэсиимэ Арассыыйа оборуонатын министиэристибэтин иһитиннэриитигэр олоҕуран оҥоһуллуоҕа. Онон Арассыыйа Оборуонаҕа министиэристибэтин кытта дуогабар түһэрсэр түгэҥҥэ федеральнай, эрэгийиэннээҕи уонна муниципальнай бүддьүөттэртэн киирэр төлөбүр уопсай суумата 1 мөлүйүөн 400 тыһыынча солкуобай буолла.