Саха сиригэр хапытаалынай өрөмүөнү ыытыыга үрдүк квалификациялаах бэдэрээтчиттэр реестрдэрин кэҥэттилэр

СӨ ОДьКХ уонна энергетика министиэристибэтэ үрдүк таһымнаах толорооччулар реестрдэригэр киллэриигэ бэдэрээтчит тэрилтэлэри барыллаан сүүмэрдээтэ.

Хамыыһыйаҕа РФ аҕыс субъегыттан 43 хампаанньаттан сайаапка киирдэ. Онно Москва уонна Самара уобаластара, Красноярскай уонна Хабаровскай кыраайдар, Ханты-Мансийскай, Ямало-Ненецкэй автономнай уокуруктар уонна Приморье кыраайа киллэрдилэр.

Ол курдук, элбэх кыбартыыралаах олорор дьиэлэри хапытаалынай өрөмүөннээһиҥҥэ – 18 сайаапка, маннык олорор дьиэлэр тэхиньиичэскэй туруктарын сыаналааһыҥҥа уонна бырайыактыыр докумуону оҥорууга – 15 сайаапка.

“Биһиги өрөспүүбүлүкэҕэ хапытаалынай өрөмүөн эйгэтигэр сөптөөх күрэстэһиини тэрийиигэ үлэлэһэбит. Оччоҕуна үлэ хаачыстыбата тупсуоҕа уонна сыана сөбүгэр буолуоҕа. Биһиги сыалбыт – бары ыытыллар процедуралар дьэҥкэ буолууларын ситиһии уонна хантараактары кытаанахтык хонтуруоллааһын”, — диэтэ Саха сирин ОДьКХ уонна энергетикаҕа миниистирэ Вячеслав Емельянов.

Сүүмэрдээһин түмүгэр реестр 27 саҥа хампаанньанан эбилиннэ.

СӨ ОДьКХ уонна энергетика министиэристибэтэ