Хаартыска: СИА
Айсен Николаев олунньу 6 күнүгэр, чэппиэргэ, хомунаалынай комплекс тэрилтэлэригэр (ХКТ) субсидия улаатыытын тохтотууга дьаһаллар былааннарын ырытан оҥорор биэдэмистибэлэр икки ардыларынааҕы оробуочай бөлөх бастакы мунньаҕын ыытта.
Маннык бөлөх Ил Дархан дьаһалынан бу сыл саҥатыгар тэриллибитэ. Онно норуот дьокутааттара, бырабыыталыстыба, тустаах тэрилтэлэр, ресурсанан хааччыйар тэрилтэлэр бэрэстэбиитэллэрэ киирбиттэрэ.
Өрөспүүбүлүкэ салайааччыта соторутааҕыта стратегическай сиэссийэҕэ бөлөх чилиэннэрэ бэлэмнээбит былаанын бырайыагын көрбүтэ, этиилэрин уонна бэлиэтээһиннэрин киллэрбитэ.
Судаарыстыбаннай сыана бэлиитикэтин кэмитиэтин дааннайынан, кэнники 5 сылга ХКТ субсидията 24,3 млрд улааппыт, ол аата 96% тэҥнэспит. Айсен Николаев ХТК субсидияларын улаатыытын тохтотор эрэ буолбакка, баар сыанаҕа тэҥнээн түһэрэр сорук турарын бэлиэтээтэ.
«Билигин Саха сиригэр ХТК субсидиятын кээмэйэ 50 млрд солк. тэҥнэһэр. Тэҥнээн көрдөххө, сорох субъектар бүддьүөттэриттэн быдан улахан. Аҥардас үс сыл иһигэр тарыып араастаһыытыгар субсидия 15-18 млрд. тиийэ улааппыт. Биһиги бу боппуруоһунан күүскэ ылсан үлэлиэхпитин наада. Мин эппитим курдук, 2028 сылга хомунаалынай комплекс тэрилтэлэрин субсидията 2024 сыллааҕы таһымыттан үрдээбэккэ, 2030 сылга тэҥнээтэххэ ол кэминээҕи сыана тарыыбыттан 10 %-тан итэҕэһэ суох кээмэйигэр тиийэ түһүөхтээхтэр, – диэтэ кини.
Ил Дархан биэдэмистибэлэр икки ардыларынааҕы оробуочай бөлөх чилиэннэрин көхтөөх хайысханы тутуһарга, кэлэр реформа бары эйгэни таарыйан, биир тирээн турар соругунан буоларын тоһоҕолоон бэлиэтээтэ. Онуоха ХТК субсидията өрөспүүбүлүкэ бүддьүөтүттэн көмүскэнэр ыстатыйатыгар хааларын уонна ити сыалга туруоруллубут үп-харчы атын ыстатыйаларга барыа суохтааҕын бэлиэтээтэ.
«Субсидиянан ресурсаларынан хааччыйар тэрилтэлэр үлэлэрэ эрэ буолбакка, бары салаалар – тырааныспартан доруобуйа харыстабылыгар тиийэ быһаччы тутулуктаах», – диэн мунньах кыттыылаахтарыгар Айсен Николаев эттэ. Сиһилии манна аах.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…