Хаартыска: SakhaGov
Атырдьах ыйын 15 күнүгэр Хаҥалас улууһугар “Хонуу күнэ-2024” агрономнар уонна үүнээйи олордор хаһаайыстыбалар өрөспүүбүлэкэтээҕи сэминээр-мунньахтара ыытыллыаҕа.
Тэрээһин кыттыылаахтарын уонна ыалдьыттары киэҥ бырагыраама күүтэр. Бу күн уоҕурдууну оҥорорго агродроннар үлэлэрин көрүөхтэрэ, тыа хаһаайыстыбатын бородууксуйатын оҥорооччуларга “төгүрүк остуол” буолуоҕа, М.Г.Сафронов аатынан Тыа хаһаайыстыбатын научнай-чинчийэр институтун уопут оҥорор учаастактарын көрүөхтэрэ, тыа хаһаайыстыбатын тиэхиньикэтин уонна өрөспүүбүлүкэтээҕи агрооскуолалар быыстапкалара, улуустар ортолоругар быыстапка экспозицияларын киэргэтиигэ куонкурус тэриллиэхтэрэ.
Тэрээһин “Орто дойду” комплекска уонна Покровскайга сарсыарда 9.00 чаастан 19.00 чааска диэри буолуоҕа. Тэрийээччилэр – СӨ Тыа хаһаайыстыбатыгар уонна ас-үөл бэлиитикэтигэр министиэристибэтэ, Хаҥалас улууһун дьаһалтата, Тыа хаһаайыстыбатын научнай-чинчийэр института, Арктикатааҕы судаарыстыбаннай агротехнологическай университет уонна СӨ Наукаларын академията.
Санатан эттэххэ, “Хонуу күнэ” өрөспүүбүлүкэтээҕи бастакы тэрээһин 2014 сыллаахха Нөмүгүгэ уонна Покровскайга, онтон араас сылларга Мэҥэ Хаҥалас улууһун Төхтүрүгэр, Амма улууһун Покровкатыгар, Хаҥалас улууһун Хачыкаатыгар ыытыллыбыта. Былырыын Сунтаар улууһун Куокуну сэлиэнньэтигэр Хонуу күнүгэр өрөспүүбүлүкэ механизатордарын бастыҥ хамаандаларын быһаарбыттара.
Быыбар күнүн бастакы түмүктэрин хотугулуу-илиҥҥи улуустар биэрэллэр. Муома улууһун Соболоох нэһилиэгин баһылыгын быыбарыгар барыллаан ааҕыынан,…
Александра Григорьева-Сандаарыйа «Күн тахсыыта» диэн ааттаан саҥа кинигэни бэлэмнээбитин умсугуйан туран аахтым, уһуну-киэҥи толкуйдаатым, уруккуну-хойуккуну…
Бүгүн, балаҕан ыйын 14 күнүгэр, Дьокуускай куорат күнүгэр, Аҕа дойду Улуу сэриитин кыттыылааҕа, Дьокуускай куорат…
Бу киэһэ 18:00 ч дааннайынан, быыбардааччылар 38,99% куоластаата. Улуус баһылыктарын быыбарыгар: Өлөөн оройуона – 60,26%,…
Арыгы атыыта бэрээдэктээһин, сымыйа кафелары уонна «наливайкалары» утары охсуһуу салҕанарын туһунан Дьокуускай куорат мэрэ Евгений…
Хаҥалас улууһун 627 №-дээх быыбардыыр учаастакка Валерий Аркадьевич уонна Галина Акимовна Тетериннэр дьиэ кэргэннэрэ куоластаата.…