Хаартыска: Мария Васильева, СИА
Бүгүн, балаҕан ыйын 9 күнүгэр, Дьокуускай куоракка I Бүтүн Арассыыйатааҕы эдэр финансистар пуорума саҕаланна. Тэрээһин дойду араас эрэгийиэннэрин үп салаатын үлэһиттэрин холбоото.
Пуорум аһыллыыта Бырабыыталыстыба дьиэтигэр буолла. Тэрээһин кыттыылаахтарын Саха сирин Бырабыыталыстыбатын Бэрэссэдээтэлэ Кирилл Бычков эҕэрдэлээтэ. Бу пуорум кини этэринэн, судаарыстыбаннай үп-харчы салаатын эдэр исписэлиистэрин икки ардыларыгар уопут атастаһыыга уонна бииргэ үлэлээһиҥҥэ ураты кыах үөскэтэр.
«Пуорум сыала-соруга — бииргэ үлэлээһиннэргэ көдьүүстээх стратегияларын ырытан оҥоруу, билиилээх-көрүүлээх уонна бастыҥ практикаларынан кыттааччылар профессиональнай дьоҕурдарын үрдэтиигэ уопут атастаһыыта буолар», — диэтэ Кирилл Бычков.
Саха сирин премьерэ пуорум аһыллыытыгар, экэниэмикэ уустук усулуобуйатыгар, дойдуга сааҥсыйа киирбит кэмигэр финансистар оруоллара өссө үрдүүрүн бэлиэтээтэ. Чопчу экэниэмикэ туруктаах буоларыгар, финансистар инновационнай быһаарыылары оҥорон хааччыйаллар.
Пуорум үөрүүлээх аһыллыытыгар Арассыыйа Дьоруойа уонна «Дьоруойдар кэмнэрэ» бырагыраама кыттыылааҕа Игорь Юргин, Госдуума дьокутаата, Госдуума экэнэмиичэскэй бэлиитикэҕэ кэмитиэтин бэрэссэдээтэлин солбуйааччы Артем Кирьянов уонна Үп миниистирин солбуйааччы э.т. Иван Алексеев кытыннылар.
Пуорум ыҥырыллыбыт эспиэрдэрин ортолоругар РФ Уһук Илин уонна Арктика сайдыыларыгар миниистирин бастакы солбуйааччы Гаджимагомед Гусейнов, Арассыыйа баанын бэрэссэдээтэлин бастакы солбуйааччы Алексей Гузнов, ону тэҥэ РФ Бырабыыталыстыбатын иһинэн научнай-чинчийэр институтун, ВТБ, СБЕРбаан, Газпромбаан, Альфа-баан, Промсвязьбаан, АТБ уонна АЭБ кытыннылар.
Дьокуускайга Бүтүн Арассыыйатааҕы эдэр финансистар пуорумугар дойду 24 эрэгийиэниттэн, ол иһигэр ДНӨ, Запорожскай уобалас уонна Крым Өрөспүүбүлүкэтин бэрэстэбиитэллэрэ кэлбиттэр. Пуорум чэрчитинэн эспиэртэри кытта кэпсэтии, дьыалабыай оонньуулар уонна спортивнай тэрээһиннэр ыытыллыахтара.
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…