Хаартыска: ЯСИА
Сэтинньи 4-6 күннэригэр Дьокуускайга байыаннай дьайыы кыттыылаахтарын, бэтэрээннэрин уонна ыччат тэрилтэлэрин, үрдүк үөрэх кыһаларын, иһитиннэрэр-биллэрэр эйгэ бэрэстэбиитэллэрин түмэр «Норуот уонна аармыйа биир сомоҕо» III Өрөспүүбүлүкэтээҕи фашизмы утары пуорум ыытыллыаҕа. Бу туһунан www.sakha.gov.ru иһитиннэрэр.
Кэлэр көлүөнэни уонна ыччаты патриотическай тыыҥҥа иитэр, устуоруйа өйдөбүлүн харыстыыр сыаллаах тэриллибит бу тэрээһин фашизм аныгылыы көрүҥнэрин утары охсуһууга тоҕоостоох боппуруостарын дьүүллэһэр былаһаакканан буолуоҕа.
Пленарнай мунньах сэтинньи 6 күнүгэр «Сергеляхские огни» култуура киинигэр буолуоҕа. Кыттааччылар аан дойдуга фашизм көстүүлэрин утары охсуһуу көдьүүстээх ньымаларын, ыччаты патриотическай тыыҥҥа иитии боппуруостарын дьүүллэһиэхтэрэ. Ону таһынан пуорум бырагырааматыгар бэтэрээннэргэ уонна ыччакка аналлаах тэрээһиннэр, төгүрүк остуоллар, Илин байыаннай уокурук хамаандалыыр састаабын бэрэстэбиитэллэрин кытта көрсүһүүлэр, байыаннай дьайыы кыттыылаахтарын уонна кинилэр дьиэ кэргэттэрин социально-психологическай өттүнэн арыаллыыр сэминээр, «Судургутук суолталаах туһунан» экстремизм уонна терроризм идеологиятын сэрэтэр сэминээр-тренинг киирбиттэр.
«Арассыыйа — мин устуоруйам» комплекска сэтинньи 4 күнүгэр Хабаровскай куораттааҕы Илин байыаннай уокурук Офицердарын дьиэтин байыаннай-устуоруйа түмэлин пуондаларыттан «Хорсун быһыы туһунан өйдөбүл» быыстапката, фронтовой фотокэрэспэдьиэннэр — Ирина Ким, Александр Авдеев, Эдуард Самылин, Сергей Бордачев хаартыскаларын быыстапката, ону таһынан фронтовой худуоһунньук Артем Журавлев үлэлэрэ үөрүүлээх быһыыга-майгыга аһыллыахтара.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…