Хаартыска: А.Сорокин (СИА)
Саха сирин баһылыга Айсен Николаев дьахтар доруобуйатын харыстааһыҥҥа эрэгийиэннээҕи уонна федеральнай бырагыраамалар дойду Бэрэсидьиэнин «Доруобуйа» национальнай бырайыагар олоҕуран ыытылларын эттэ.
Бары бырайыактар «Демография» национальнай бырайыагынан төрөөһүнү элбэтиигэ туһуланаллар.
Былырыын Саха сиригэр Ийэ сылыгар элбэх бырайыак үлэлээбитэ.
«Биһиги сыалбыт — xас биирдии хат дьахтар чэгиэн оҕону төрөтүүтэ буолар, оттон ол ийэ бэйэтэ чэгиэн буоллаҕына кыаллар. Онон төрөөһүҥҥэ эрдэттэн бэлэмнэнии суолталаах. Манна ыарыыны эрдэ булуу көмөлөһөр.Билигин Саха сиригэр скрининг кэккэ бырагыраамалара үлэлииллэр. Олортон биирдэстэрэ «Онкопоиск» буолар» , — диэтэ өрөспүүбүлүкэтээҕи килиниичэскэй балыыһа кылаабынай бырааһын акушерствоҕа уонна гинекологияҕа солбуйааччы Данара Донская.
Ону тэҥэ «Дьахтар доруобуйата» скрининг онлайн-бырайыак буолар. Маны доруобуйа харыстабылын министиэристибэтэ Ийэ сылыгар киллэрбитэ. Бастаан дьахтар сайтка анкетаны толорор, онтон ыалдьар сибикитэ билиннэҕинэ, кэлимсэ чинчийиини барар.
Данара Донская бэлиэтииринэн, оҕо төрүөҕүттэн ыарыылаах төрүүрүн сэрэтэр үлэ улахан суолталаах. Ол иһин хат буолуу былааннаах буолуохтаах», — диэн чопчулаата кини.
Дьахтар ыарыытын диагностааһыҥҥа, эмтээһиҥҥэ, оҕолоноору сылдьар ийэлэр туруктарын кэтээн көрүү кэлимсэ үлэтэ ыытыллар. Бу үлэ көмөтүнэн Уһук Илиҥҥи федеральнай уокурукка төрөөһүн көрдөрүүтүнэн бастаан иһэр уонна дойдуга уон бастыҥ иһигэр киирэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…
Бүгүн, атырдьах ыйын 30 күнүгэр, Дьокуускай куоракка Саха гимназиятыгар уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…
Өймөкөөн улууһун Сордоҥноох нэһилиэгин олохтоохторо Марта уонна Михаил Винокуровтар сайыҥҥы кэмҥэ оҕону үлэҕэ сыһыаран үлэ…
"Карат” диэн ыҥырыллар ааттаах, төрөөбүт Сахатын сиригэр “Е. Николаевна” диэн ытыктабыллаахтык ааттанар кэрэ аҥаар 2001 сылтан…
2025 сыл балаҕан ыйын 1 күнүттэн баантан эбэтэр микро-үп тэрилтэлэриттэн (МФО) ханнык эрэ табаары ыларга…
Полиция үлэһиттэрэ сокуоннай саастарын ситэ илик оҕолор көрүүтэ-истиитэ суох сылдьыыларын уонна буруйу оҥорууларын сэрэтэр систиэмэ…