Икки балыксыт сураҕа суох сүппүт

Дьокуускайга икки эр киһи субуотаҕа балыктыы тахсан баран, дьиэлэригэр төннүбэтэхтэр. Кинилэри көрдүү бэнидиэнньиккэ үс быыһааччы тахсыбытын туһунан Саха сиринээҕи Быыһыыр сулууспата иһитиннэрэр.

Эр дьон сүппүттэрин туһунан иһитиннэрии ахсынньы 8 күнүгэр сүппүт дьонтон биирдэстэрин кэргэниттэн киирбит. Эр дьон массыынанан тахсыбыттара уонна үрэххэ балыктыыр санаалаахтара биллэр, ол эрээри ханнык хайысханан барбыттара биллибэт. Кэнники быһаарыллыбытынан, кинилэр Хаҥаласка уонна Нам улууһун Үөдэй сэлиэнньэтигэр сылдьан сибээскэ тахса сылдьыбыттар.