Саха сиригэр икки эр киһи быһаҕынан анньыллан балыыһаламмыт

Ааспыт сууккаҕа Саха сиригэр 6 буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.

Киин куоракка 29 саастаах эр киһи быһаҕынан анньыллан киирбит. Уорбаланааччы тутулунна.

Ытык Күөлгэ быһаҕынан анньыллан 37 саастаах олохтоох эр киһи балыыһаламмыт. Уорбаланааччыны туппуттар.

Дьокуускайга күүһүлээри гыммыттарын туһунан сайабылыанньа киирбит. Ону сэргэ киин куоракка «Тойота- Краун» массыынаны күрэппиттэр. Иккиһин итирик туруктаах сылдьан  уруулга олорбут суоппар тутулунна.

Суукка иһигэр 8 суоппар итирик туруктаах сылдьан уруулга олорбута билиннэ.