Саха сиригэр икки ойуур баһаара умайа турар
15.08.2025, 10:02
Хаартыска: SakhaGov
Бөлөххө киир:
Атырдьах ыйын 15 күнүнээҕи туругунан, Саха сиригэр икки ойуур баһаара умайа турар. Бу туһунан СӨ Экологияҕа министиэристибэтэ иһитиннэрэр.
Уот туруута Бүлүү уонна Кэбээйи улуустарын 28,5 га иэннээх сирдэригэр бэлиэтэннэ. Баһаардары бохсууга 47 киһи тардылынна.
Ааспыт суукка устата Ньурба улууһугар биир баһаар умуруорулунна. Баһаартан сэрэхтээх буолуу кэмин саҕаланыаҕыттан Саха сиригэр уопсайа 159 891,3 га иэннээх сиргэ 311 ойуур баһаара туоратылынна.
Дьааҥы, Өлүөхүмэ, Чурапчы, Эбээн-Бытантай улуустарыгар уонна Жатай куорат уокуругар Баһаартан сэрэхтээх буолуу ураты эрэсиимнэр киллэрилиннилэр.
Сообщить об опечатке
Текст, который будет отправлен нашим редакторам: