Саха сиригэр икки ойуур баһаарын бохсоллор

Суһал ыстаап чахчыларынан, бэс ыйын 9 күнүгэр Саха сиригэр икки ойуур баһаара бэлиэтэммит.

5 гектар иэннээх ойуур баһаара Томпо оройуонун Развилка сэлиэнньэтиттэн 47 км сиргэ көстүбүт. 2 гектар иэннээх ойуур баһаара Дьааҥы оройуонун Эһэ Хайалаах сэлиэнньэтиттэн 31 километрга бэлиэтэммит. Нэһилиэнньэлээх пууннарга куттал суох.

Баһаары умуруорууга 18 баһаарынай кыттар. Тиэхиньикэ уонна авиация үлэлиир.

Баһаартан сэрэхтээх буолуу сезона саҕаланыаҕыттан Саха сиригэр 127 ойуур баһаара умуруоруллубут. Ураты баһаарынай эрэсиим Дьааҥы, Уус Алдан, Эбээн Бытантай оройуоннарынан уонна Жатай бөһүөлэгин территориятыгар биллэриллибитэ. Баһаар сүрүн биричиинэтинэн киһи буолар.

СӨ Ил Дарханын уонна уонна Бырабыыталыстыбатын пресс- сулууспата