СИА хаартыската.
Муус устар 1 күнүттэн чэпчэтиилээх ыстаапканан иккис ырыынакка дьиэ кэргэн ипотекатынан Арассыыйа 901 куоратыгар кыбартыыра атыылаһыахха сөп буолуо.
Испииһэккэ киирдилэр, холобур, Геленджик уонна Туапсе, Норильскай уонна Железногорск, Сызрань уонна Свердловск.
Оттон Саха сиригэр бу бырагырааманан кыбартыыраны бу сыл муус устар 1 күнүттэн 10 куоракка атыылаһыахха сөп. ДОМ.РФ саайт иһитиннэрэринэн, куораттар испииһэгэр киирдилэр: Томмот, Дьааҥы, Бүлүү, Ньурба, Ленскэй, Мииринэй, Удачнай, Өлүөхүмэ, Покровскай уонна Орто Халыма.
Кирэдьиит муҥутуур алын кээмэйэ — 300 тыһыынча солкуобай, үрдүк кээмэйэ — 6 мөл. солк. Онуоха лимиттээх орто сүһүөх ыстаапкалаах кирэдьиити 15 мөл. солк. ылыахха сөп.
Санаттахха, 6%-наах чэпчэтиилээх дьиэ кэргэн ипотеканан кыбартыыраны иккис ырыынакка оҕолоох дьиэ кэргэттэр бу сыл муус устар 1 күнүттэн туһаныахтарын сөп. Бырагыраамаҕа 6 сааһыгар диэри дьиэ кэргэттэр киирсэллэр. Бу ыаллар иккис ырыынакка атыыланар 20 сылтан итэҕэһэ суох уонна саахаламмат туруктаах дьиэлэргэ атыылаһыахтара. Дьиэ кэргэн ипотеканан олоххо биирдэ туһанныллар диэн garant.ru быһаарар. Манна чугас дьоҥҥуттан, аймахтаргыттан дьиэни атыылаһар көҥүллэммэт.
Харах мөлтөөһүнүн эрдэттэн сэрэтиэххэ сөп диэн бэлиэтииллэр. Саха ыалын халандаарыгар (2007 с.) бу туһунан маннык…
Улуустарга байыастар дьиэлэрин киин ититэр ситимҥэ холбооһун үлэтэ салҕанар. 2025 сылга 45 дьиэни холбуур былааннаахтар.…
Бүгүн, муус устар 1 күнүгэр, Көр-күлүү, дьээбэ күнүнэн сибээстээн, саха киинэтин режиссердара СӨ үтүөлээх артыыһа…
Бэрэсидьиэн Владимир Путин муус устар 1 күнүттэн от ыйын 15 күнүгэр диэри байыаннай сулууспаҕа сааскы…
Күн бүгүн "Манчаары оонньууларын" финальнай чааһыгар 774 путевка оонньонно. Остуол оонньууларыгар, хотугу многоборьеҕа, национальнай многоборьеҕа,…
Бүгүн “Кыайыыны истиэххэ” аахсыйа көмөтүнэн Арассыыйа хайа баҕарар олохтооҕо номоххо киирбит, аҥардас куолаһыттан этиҥ сааһа…