Мария Васильева, ЯСИА
Саха сиригэр инбэлииттэри үлэҕэ ылыыга анал үлэлиир миэстэлэр ахсааннарын саҥа бэрээдэгэ олохтонно. Тустаах бирикээһи Нэһилиэнньэ дьарыктаах буолуутугар судаарыстыбаннай кэмитиэтэ инбэлииттэри өйүүргэ анаан таһаарда.
“Анал үлэ миэстэлэрэ – бу үлэни тэрийиигэ эбии миэрэлэри ирдиир миэстэлэр: анал тэрили туруоруу, миэбэлэ, сырдатыыта, тэхиньиичэскэй өттүнэн көмөлөһөр тэриллэрэ. Бу маннык миэстэлэри тэрийии үлэни биэрээччилэргэ сүктэриллэр. Ол курдук, 35-тэн 100 киһиэхэ диэри үлэһиттээх тэрилтэ биир анал миэстэни көрүөхтээх, оттон 1000 тахса киһилээх тэрилтэ – биэс үлэ миэстэтин”, — диэн тустаах кэмитиэт быһаарда.
2025 сылтан 2030 сылга диэри Саха сиригэр “Каадырдар” национальнай быраыагынан “Активные меры содействия занятости” федеральнай тэрээһин олоххо киирэр. Онно олоҕуран 1 уонна 2 группалаах инбэлииттэргэ, байыаннай дьайыы инбэлиит буолбут бэтэрээннэригэр үлэ миэстэтин оҥоруохтаахтар. Субсидия тэрили атыылаһыыга, таҥан туруорууга ороскуот сорҕотун толуйар.
Субсидия кээмэйэ биир оҥоһуллубут үлэ миэстэтигэр 200 тыһыынча солкуобайга тэҥнэһэр. Ону ыларга сайабылыанньаны юридическай сирэйдэр уонна биирдэм урбаанньыттар (судаарыстыбаннай уонна муниципальнай тэрилтэлэртэн уратылар) биэрэллэр. Сайаапка “Центр занятости населения Республики Саха (Якутия)” СӨ ГКУ дириэктэрин аатыгар үлэ дуогабарын түһэрсии үс ыйыттан 9 ыйга диэри ыытыллар.
Сиһилии тустаахк эмитиэттэн манан билсиҥ: https://gkzn.sakha.gov.ru/Oborudovanie-dlya-invalidov.
СӨ Ил Дарханын уонна Бырабыыталыстыбатын пресс-сулууспата
Саха сирин Биир кэлим ресурснай киинэ өрөспүүбүлүкэ социальнай хайысхалаах кэмиэрчэскэйэ суох тэрилтэлэригэр эспиэртэр өйөбүллэрин оҥорор.…
СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин көҕүлээһининэн, бүгүн 14:30 чааска Дьокуускайдааҕы Күнү-дьылы кэтээн…
Дьокуускайга ититиини түһүмэхтэринэн холбооһун салҕанар. Балаҕан ыйын 10 күнүнээҕи даннайынан, 205 социальнай эбийиэккэ уонна 526…
Саха сиригэр 2025 сыл аҕыс ыйын устата 6931 оҕо күн сирин көрбүт -- 3583 уол…
Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы Ольга Балабкина “Пути ВОИНа” Бүтүн Арассыыйатааҕы байыаннай-тактическай күрэхтэһии түмүктүүр түһүмэҕин…
Биэнсийэлээхтэр ОДьКХ төлөбүрүгэр толуйууну хайдах ылалларын туһунан Объясняем.рф телеграм-ханаал быһаарар: [gallery ids="240995,240996,240994,240993,240991"]