Хаартыска СИА архыыбыттан.
Арассыыйа киин баанын чахчыларынан, 2024 сылга Саха сиригэр бэриллибит ипотека кээмэйэ 64 миллиард солкуобайга тэҥнэспит, бу ааспыт сыл көрдөрүүтүттэн 36%-нан кыра. Ипотечнай дуогабардары оҥоруу эмиэ аҕыйаабыт — 22-тэн 15 тыһыынчаҕа диэри.
Көрдөрүү уопсай сууматыттан 50%-на (32 миллиард солкуобай) саҥа тутуллар дьиэлэргэ олорор дьиэни атыылаһыыга анаммыт, чааһынай дьиэлэри тутууга уонна атыылаһыыга 18,6 миллиард солк. бэриллибит. Саха сиригэр кирэдьиит орто кээмэйэ 4,6-тан 4,3 мөлүйүөн солк. диэри кыччаабыт, оттон ипотека ортотунан болдьоҕо 22 сылга тэҥнэспит. Эрэгийиэн олохтоохторун уопсай ипотекаҕа иэһэ тохсунньу 1 күнүнээҕи туругунан 272 миллиард солкуобайга (0,2%) тиийдэ.
Киин баан Саха сиринээҕи отделын управляющайа Антон Коноплев быһаарарынан, сүрүн ыстаапка үрдээн нэһилиэнньэ кирэдьиити ылара намтаабытын кытта сибээстээх. Бааннар иэс ылааччы төлүүр кыаҕын кытаанахтык сыаналыыр уонна элбэх иэстээх килийиэннэргэ үгүстүк аккаастыыр буолбуттар.
Санатар буоллахха, бу сылтан дьиэ тутуутугар чэпчэтиилээх «Дьиэ ипотекатын» ыларга билигин эскроу-счету туһанар хайаан да ирдэнэр. Бу дьаһаллар чааһынай дьиэ ырыынагар куттал суох буолуутун үрдэтэргэ ананар.
Аныгы балысханнаах олоххо сиэр-майгы тиэмэтэ сытыырхайан иһэр. Онон “Сиэр-майгы” балаһабытыгар бүгүн тоҕо эрэ “Оптуобус кэпсээнэ”…
Биһиги ааспыкка күһүҥҥү хаһаастар, кэнсиэрбэлэр туһунан суруйбут эбит буоллахпытына, билигин кыһыҥҥы хаһаас туһунан суруйуохпут. Биир…
Саха сирин дзюдоҕа сүүмэрдэммит хамаандатын лиидэрэ Карина Ефимова (52 киилэҕэ диэри) иккис сылын Арассыыйа чөмпүйэнээтин…
Бүгүн Саха сиригэр Ийэ күнэ уонна Арассыыйаҕа Аҕа күнэ бэлиэтэнэр. Бу бэлиэ күнүнэн Ил Дархан…
Бүгүн, алтынньы 19 күнүгэр, өрөспүүбүлүкэ үгүс өттүгэр кыралаан хаар түһүөҕэ. Муора кытылынан 15-20 м. түргэннээх…
Бу күн халлаан куйаарыгар ураты энергия баар. Ый Кыыс бэлиэтигэр сылдьар. Бу бэлиэ бэрээдэги, чуолкайы, ырааһы…