Хаартыска: СӨ Доруобуйа харыстабылыгар министиэристибэтин пресс-сулууспата
Кулун тутар 22 күнүгэр СӨ доруобуйа харыстабылын миниистирин солбуйааччы Любовь Бурнашева уонна министиэристибэ кылаабынай педиатра Александра Уарова Иркутскайдааҕы биир идэлээхтэрин – Дьиэ кэргэн доруобуйатын кыһалҕатын, киһи репродукциятын наукаҕа киинин дириэктэрэ Любовь Рычкованы уонна оҕо балыыһатын кылаабынай бырааһа Ольга Бугуны кытары көрүстүлэр.
Көрсүһүүгэ оҕо сулууспатын дьоһун суолталаах боппуруостарын (ол иһигэр, саҥа төрөөбүт кырачааннарга неонатальнай скрининг, генетика ыарыыларын уонна ыарыһах оҕолор доруобуйаларын чөлүгэр түһэрии) дьүүллэстилэр.
Көрсүһүү түмүгүнэн өрүттэр СӨ Доруобуйа харыстабылын министиэристибэтин уонна Дьиэ кэргэн доруобуйатын кыһалҕатын, киһи репродукциятын наукаҕа киинин кытары мэдиссиинэ үрдүк технологиялаах көмөтүн оҥорорго хардарыта бииргэ үлэлииргэ дуогабардастылар.
Любовь Бурнашева:
“Иркутскайдааҕы биир идэлээхтэрбит биһиги мэдиссиинэбит, ордук генетикаҕа үрдүк таһымнаахтык сайдыбытын бэлиэтээтилэр. Онон, биһиги бииргэ үлэлээһиммит түмүктээх уонна туһалаах буоларыгар эрэллэрин биллэрдилэр. Манна даҕатан эттэххэ, Иркутскай быраастара өрөспүүбүлүкэҕэ оробуочай сырыыларын кэмигэр СӨ Доруобуйа харыстабылын министиэристибэтигэр сырыттылар. Кинилэр сүрүн сыалларынан-соруктарынан М.К.Аммосов аатынан Хотугулуу-Илиҥҥи федеральнай университет Мэдиссиинэҕэ институтун уонна Мэдиссиинэ биир кэлим кыһалҕаларыгар Саха сиринээҕи научнай киин наукаҕа үлэлэрин билсии буолла. Ол түмүгэр мэдиссиинэ наукатын араас салааларыгар бииргэ үлэлээһин кэскилин дьүүллэстилэр.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…