сахагов
Саха сирэ Арассыыйа Бэрэсидьиэнэ Владимир Путин көҕүлээбит “Уһук Илин федеральнай уокуругар куортамҥа тиксимтиэ дьиэ” судаарыстыбаннай бырагырааманы олоххо киллэриигэ көхтөөхтүк кыттар.
Саха сиригэр 1003 кыбартыыраны тутарга лимиит көрүллүбүтэ. Онон Дьокуускайга, Мииринэйгэ, Алдаҥҥа уонна Нерюнгригэ тутуллаллар.
Былырыын олунньу ыйга Дьокуускайга бастакы эбийиэк Марха түөлбэтигэр (24 кыбартыыра) киирбитэ. Бары кыбартыыралар эрэгийиэн операторыгар – “Центр развития жилищных программ РС(Я)” АНО-ҕа бэриллибиттэрэ уонна дьон көһөн киирбитэ. Олорор дьиэни чэпчэтиилээх усулуобуйаҕа биэрэллэр, олорорго туга барыта баар. Куортам төлөбүрэ кыбартыыра иэниттэн көрөн ыйга 5-14 тыһыынча солкуобай.
“Атын субъектартан үлэлии кэлбиттэр уонна олорор дьиэлэрэ суох, ону тэҥэ 35 диэри саастаах исписэлиистэр олоруохтарын сөп. Маны тэҥэ байыаннай дьайыы кытыылаахтарыгар дьиэ сорох чааһын кубуоталыыбыт. Манна кыттарга үлэлээх буолуутун уонна дохуотун бигэргэтии ирдэнэр. Бу дьиэлэргэ үс сыл олоруохха сөп, туһааннаах быһаарыынан уһатыллыан сөп”, — диэтэ Саха сирин тутууга миниистирэ Виктор Романов.
Быйыл Дьокуускайга (141 кыбартыыра), Нерюнгригэ (192 кыбартыыра), Алдаҥҥа (28 кыбартыыра) үс дьиэ киирэрэ торумнанар.
Дьокуускайга 283 кыбартыыралаах “Сосновый бор” олорор комплекс 2026 сылга киириэҕэ. Куоракка “BILIBINO»”(141 квартира) тутуута ыытыллар.
Алдаҥҥа Солнечнай түөлбэҕэ 117 кыбартыыралаах дьиэ эмиэ 2026 сылга күлүүһүн ылыахтаах.
Нерюнгригэ Кравченко уулуссаҕа “Покровские ворота” (192 кыбартыыра) тутулла турар, бу сыл бүтүүтэ киириэхтээх. “Р” кыбаарталга 60 кыбартыыралаах дьиэ фундаменын үлэтэ бүтэн эрэр.
Мииринэйгэ 158 кыбартыыралаах дьиэҕэ сыбаайатын түһэрбиттэр, 2026 сылга бүтэрэ күүтүллэр.
Куортамнаан олорорго табыгастаах дьиэни Уһук Илиҥҥэ Арассыыйа Бэрэсидьиэнэ Владимир Путин 2022 с. Илиҥҥи экэниэмикэ пуорумугар көҕүлээбитэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/6539
Дьокуускай куорат төрөөбүт күнүгэр, балаҕан ыйын 14 күнүгэр, киин куоракка 14 оҕо күн сирин көрдө…
Дьокуускайга полиция 3-с №-дээх отделыгар 30 тыһ.солк. суумалаах бэлисипиэди уорбуттарын туһунан иһитиннэрбиттэр. Бу туһунан СӨ ИДьМ…
Бүгүн Ил Дархан Айсен Николаев Бырабыытылыстыба уонна дьаһалта былаанныыр мунньаҕар федеральнай уонна стратегическай көҕүлээһиннэри олоххо…
Сиргэ кэнники үс ый иһигэр саамай күүстээх магнитнай буурҕа түстэ, ол күүһэ G3 баалга чугаһаата.…
Сунтаар улууһугар "Биир ньыгыл Арассыыйа" баартыйаттан турбут А.В.Григорьев баһылыгынан талылынна. Биир дойдулаахтара кини үлэтин үрдүктүк…
“Проверено на себе” диэн билиҥҥи угуйук саха майгытыгар сүрдээҕин сөп түбэһэр эбит. Тоҕо диэтэххэ кини барытын…