Саха сиригэр Иван Айвазовскай хартыыналарын аҕалыахтара

Ил Дархан Айсен Николаев бу күннэргэ СӨ Национальнай ойуулуур-дьүһүннүүр түмэлин генеральнай дириэктэрэ Влада Тимофееваны кытта көрсүбүтэ. Онно Ил Дархан Нуучча судаарыстыбаннай түмэлиттэн «Иван Айвазовский и другие русские маринисты» диэн улахан быыстапканы Саха сиригэр аҕалар туһунан түмэл киллэрбит этиитин өйүүрүн биллэрбитэ.

Иван Айвазовскай улахан кээмэйдээх болотуналарын Саха сиригэр бастакытын аҕалыахтара. Экспозиция бэс ыйын 1 күнүгэр аһыллара былааннанар.

Быыстапка Арассыыйаҕа Дьиэ кэргэн, Саха сиригэр Оҕо саас биллэриллибиттэрин иитинэн тэриллиэҕэ.