Андрей Сорокин, СИА хаартыската.
Саха сирин сиригэр-уотугар муус барыыта Кэбээйи, Дьааҥы уонна Орто Халыма оройоуннарыгар бэлиэтэнэр. Өлүөнэ эбэҕэ муус барыытын алын кирбиитэ Кэбээйи оройуонун Сангаар бөһүөлэгин аннынан баар. Муус хойуутук устар, уу таһыма кутталлаах таһымтан намыһах. Ону тэҥэ Кэбээйи улууһугар Бүлүү өрүс Өлүөнэҕэ түһэр. Бүлүү аннынан үөскээбит харыы бэйэтэ босхолонуоҕа, манна эмиэ муус хойуутук устар, уу таһыма түһэр.
“Өлүөнэ эбэҕэ киин оройуоннар сирдэригэр-уоттарыгар уу таһыма түһүүтэ бэлиэтэнэр. Бу чугастааҕы үс суукка устата салҕаныаҕа. Нам оройуонугар уу чааска 2 см 10 см-га диэри түһэр. Нэһилиэнньэлээх пууннар ууттан босхолонон эрэллэр, Тумул уонна Сыаганнаах уу ылар кирбиитигэр тураллар”, — диэтэ ыам ыйын 21 күнүгэр Суһал ыстаап брифинигэр Саха сиринээҕи гидрометеорологияҕа уонна тулалыыр эйгэни кэтээн көрүүгэ управлениетын начаалынньыгын солбуйааччы Татьяна Маршалик.
Дьааҥы өрүскэ көмүөл мууһа “Баатаҕай-Дьааҥы” учаастагынан ааһар. Халыма өрүскэ муус алын кирбиитэ Орто Халыма куоратын анныгар баар. Превентинэй миэрэлэр түмүктэригэр муус орто таһымнаахтык устар уонна кутталлаах кээмэйтэн уу таһыма 2 миэтэрэнэн намыһах. Ону тэҥэ бүгүн Бүлүү өрүс салаатыгар – Мархаҕа уонна Дьааҥыга – Адыаччы уонна Сартаҥ өрүстэргэ муус бара турар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…