Саха сиригэр көмүһү хостооһун кээмэйэ 10% кэриҥэ улаатта
![](https://sakha-sire.ru/wp-content/uploads/2024/07/aeac015f06699802f1b7cb4d439cdb77f1547818-900x596.jpeg)
2024 сыл тохсунньу-бэс ыйдарыгар Саха сирин көмүһү хостуур хампаанньалар көмүһү хостооһуну 9,7 %- нан улаатыннардылар, ол курдук көмүс хостооһунун кээмэйэ 17 туоннаҕа тиийдэ.
Көмүһү хостооһун кээмэйин улаатыыта «Селигдар», «Полюс Алдан», ТЗРК уонна «Нерюнгри-Металлик» тэрилтэлэринэн үлэлиир кыамталарын улаатыннарыыларыттан ситиһилиннэ. Көмүһү хостооһун Алдан, Өлүөхүмэ уонна Өймөкөөн улуустарыгар ыытыллар. Бу салаа 15 тыһыынчаттан тахса үлэһити хааччыйар.
Саха сирин көмүһү хостуур салаатыгар биир бөдөҥ бырайыагынан Күчүс буолар. Сылын ахсын бу бырайыак Саха сиригэр 10 туонна көмүһү биэриэҕэ. 2024 сылга бу көрдөрүүнү оннунан хаалларарга, былырыыҥҥытааҕар 50 туоннаттан итэҕэһэ суох көмүһү хостууһуну тиэрдии былааннанар. Саха сирэ көмүс хостооһуҥҥа дойду үрдүнэн үс бастыҥ эрэгийиэнин ахсааныгар киирэр. Быйыл Саха сирин көмүс хостуур салаата 100 сылын бэлиэтиир.
Сообщить об опечатке
Текст, который будет отправлен нашим редакторам: