Хаартыска: Sakhagov.ru саайтан.
Томпо оройуонугар “Дьааҥы” (“Яна”) массыына суолугар Томпорук үрэҕи туоратар муоста саҥардыллан оҥоһуллан үлэҕэ киирдэ. Маны “Куттала суох хаачыстыбалаах суоллар” национальнай бырайыак чэрчитинэн ыыттылар.
“Томпоругу туоратар муостаны тутуу – бу федеральнай киини кытта үлэ түмүгэ. Өрөспүүбүлүкэ салалтата “Полиметалл” хампаанньаны кытта Томпо оройуонугар кэккэ бырайыактары киллэрэргэ сөбүлэһии түһэрсибитэ. Кэлэр сылга Ольчан, Уулаах уонна Кураанах үрэхтэри туоратар икки муостанан туорааһыны тутан киллэриэхпит”, — диэн Саха сирин баһылыга Айсен Николаев бэлиэтээтэ.
Эргэ тутуу оннугар 40 м уһуннаах саҥаны оҥордулар, ону тэҥэ итиннэ кэлэр 1 км усталаах суолу. Кутталы үөскэппэтин туһугар 684 м хааччаҕы, 54 сигналлаах остуолбаны, 7 суол бэлиэтин туруордулар. Томпоругу муостанан туоратыы – ыстаал фибробетон бүрүөһүннээх биир пролеттаах тимир муоста.
“Томпоругу туоратар муостаны тутуу Тополинай сэлиэнньэтигэр тырааныспар сылы эргиччи сырыытын хааччыйыаҕа, өрөспүүбүлүкэ экэниэмикэтигэр уонна бырамыысыланнаһыгар төһүү буолуоҕа”, — диэтэ тырааныспар уонна суол хаһаайыстыбатын миниистирэ Владимир Сивцев.
СӨ Уопсастыбаннай палаататын бэрэссэдээтэлэ, Саха сирин Тырааныспарка комплексын бэтэрээнэ Иван Горохов санаатын үллэһиннэ.
Мөҥкүлэ уонна Томпорук муосталарын быйыл тутуу – бу, дьиҥэ, “Дьааҥы” массыына суолун тутууну саҕалааһын. Бу суолу тутуу өрөспүүбүлүкэ Арктика зонатын 2030 сылга диэри сайдыытыгар киллэриллибитэ, ону өрөспүүбүлүкэ баһылыга Айсен Николаев бигэргэппитэ. Өрөспүүбүлүкэбит салалтата уонна сир баайын хостуур “Полиметалл” хоту дойду олохтоохторугар тыын суолталаах трассаны тартылар. Бу муосталары тутуу хоту дойду оройуоннарын икки ардыларыгар сибээһи олохтуоҕа, — диэтэ Иван Иванович.
“Томпо оройуонун кырдьаҕас олохтооҕо буоларбынан, быйыл Мөҥкүлэни уонна Томпоругу туоратар саҥа муосталар биһиэхэ эрэ буолбакка, атын Арктика оройуоннарыгар эмиэ көмөнү оҥоруохтара. Бу муосталарынан бородуукта, оттук тиэллэр. Онон бу тыын боппуруоһу быһаарбыккытыгар махтанабыт!”, — диэтэ СӨ тырааныспарын үтүөлээх үлэһитэ, Томпо оройуонун бочуоттаах олохтооҕо Юрий Николаевич Игнатьев.
Саха сиригэр 2023 сыл бүтүөр диэри “Мухтуйа” массыына суолугар Ньүүйэ эбэни туоратар муостаны саҥардан оҥоруу түмүктэниэҕэ. Маны “Куттала суох хаачыстыбалаах суоллар” национальнай бырагырааманан оҥороллор. Уопсайынан ыллахха, 2018 сылтан 49 муоста үлэҕэ киирдэ.
Сотору кэминэн Куйдуһуну туоратар муостаны оҥорууга тутар-таҥар үлэ саҕаланыаҕа. Бу муостаны 2024 сылга саас үлэҕэ киллэриэхтэрэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: тустаах саайтан
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …