Дойду Бэрэсидьиэнэ Владимир Путин көҕүлээбит национальнай бырайыактара өрөспүүбүлүкэҕэ саҥа балыыһалар, оскуолалар, култуура уонна успуорт эбийиэктэрэ тутуллан үлэҕэ киирэллэригэр эрэллээх тирэҕинэн буоллулар.
Саха сирэ Уһук Илин уокурукка национальнай бырайыактары олоххо киллэрэргэ инники күөҥҥэ сылдьар уонна рейтиҥҥэ 12 иһигэр киирэр. Ол курдук, национальнай бырайыактары олоххо киллэриигэ өрөспүүбүлүкэтээҕи да, федеральнай бүддьүөттэн да үбүлээһин сыл аайы үрдүүр.
Кэнники сылларга тыа сиригэр оскуолалар, оҕо уһуйааннара, балыыһа комплекстара, успуорт уо.д.а. эбийиэктэрэ хото тутуллаллар. Бу өрөспүүбүлүкэ сайдыытыгар, нэһилиэнньэ олоҕун хаачыстыбата тупсарыгар туһуламмыт дьоһун бырайыактар.
Саха сиригэр ааспыт биэс сылга 274 социальнай инфраструктура эбийиэгэ тутуллан үлэҕэ киирдэ. 50 оскуола, 32 оҕо уһуйаана уонна 60-тан тахса мэдиссиинэ саҥа эбийиэгэ тутулунна. Национальнай бырайыак чэрчитинэн сылынан төһө эбийиэк үлэҕэ киирбитин тэҥнээн көрөр буоллахха маннык: 2019 с. – 59, 2020 с. – 44, 2021 с. – 47, 2022 с. – 64, 2023 с. – 57.
Оттон ааспыт сылларга саамай элбэх доруобуйа харыстабылын уонна үөрэх эбийиэктэрэ тутуллубуттар. Ол курдук, национальнай бырайыагынан араас бүддьүөттэн үбүлэнэн тутуллубуттар: үөрэхтээһиҥҥэ – 2019 с. – 7, 2020 с. – 9, 2021 с. – 10, 2022 с. – 11, 2023 с. – 13; доруобуйа харыстабылыгар – 2019 с. – 10, 2020 с. – 17, 2021 с. – 10, 2022 с. – 25,
2023 с. – 20.
Кэнники сылларга, ол иһигэр быйыл «Азия оҕолоро» норуоттар икки ардыларынааҕы оонньууларынан сибээстээн сүрүннээн успуорт эбийиэктэрэ тутулуннулар, саҥардылыннылар. Оттон доруобуйа харыстабылын Кардиология уонна Онкология киинин курдук, бөдөҥ эбийиэктэр Уһук Илиҥҥэ тэҥнээхтэрэ суохтар.
Ыам ыйын 19 күнүгэр Дьокуускай куоракка, киэһэ 19 чаас саҕана, сокуоннай сааһын ситэ илик оҕону…
Анал байыаннай дьайыы саҕаланыаҕыттан Саха сирин быраастара саҥа территорияларынан олохтоох дьоҥҥо мэдиссиинэ көмөтүн оҥороллор. Бу…
Ыам ыйын 20 күнүттэн саҕалаан биир нэдиэлэ устата хатыҥ уутун ылар кэм кэллэ. Анаан дьарыктанааччыларга…
РФ Бэрэсидьиэнигэр СӨ бастайааннай бэрэстэбиитэлэ, Саха сиринээҕи кэлим координационнай киин салайааччыта Андрей Федотов брифинг кэмигэр…
Сангаардааҕы оҕо успуорт оскуолатын выпускнига Артем Бутко Сочига ыытыллыбыт боксаҕа чөмпүйэнээтигэр боруонса призера буолла. [gallery…
Узбекистаҥҥа ыытыллыбыт Аан дойдутааҕы Кубогар-64 дуобакка күрэхтэһии түмүктэннэ. Туйаара Федорова норуоттар икки ардыларынааҕы турнирга үс…