СИА архыыбыттан
Сааспыт эрдэлээтэ. Онон ханнык көтөрдөр Саха сиригэр кэлитэлээн эрэллэрин туһунан РНА Сибиирдээҕи салаатын Ирбэт тоҥ биологическай кыһалҕаларын институтун инженер-чинчийээччитэ Сергей Слепцов санаатын маннык үллэһиннэ:
— Саха сиригэр саас көтөр кэлиитин туһунан кэпсээтэххэ, киһи хараҕар биллэр, саҥата иһиллэр көтөрүнэн тураах уонна туллук буолар. Бастаан туллук кэлэр. Туллук кулун тутар 15 күнүн эргин кэлэр, улууһуттан тутулуктаах, хоту арыый хойутаан 25 чыыһыла диэки кэлэр. Хоту төрүүр, муора кытыытынан, Новосибирскай арыыларыгар эҥин.
Тураах муус устар бастакы аҥаарыгар кэлэр. Дьон олорор сиригэр кэлэр буолан, саас кэлэн эрэр диэччилэр. Ол кэнниттэн муус устар бүтэһик 10 күнүгэр атын көтөрдөр кэлэн бараллар. Сороҕор туруйалар (серый журавль) кэлээччилэр. Кустартан көҕөн эрдэлиир. Муус устар бүтүүтэ кэлэр. Бөһүөлэктэр аттыларыгар, чалбахтаах сири талаһар.
Хаастартан хоҥор эрдэ көтөн кэлэр. Кэнники сылларга уруккутааҕар эрдэлиир буоллулар. Килиимэт сылыйарыттан уонна ахсааннара элбээн эрэриттэн буолуон сөп. Хоҥор кэнниттэн алтан харах эҥин көтөн кэлэр.
Ыам ыйыгар Саха сиригэр төрүүр көтөрдөр бары кэлэллэр. Бастакы аҥаарыгар кураанах кус кэлэр. Иккис аҥаарыгар уу кустара (умсаах, оруос, уо.д.а.).
Кустартан бүтэһигинэн анды биллэр. Бэс ыйын саҕаланыытыгар. Былыр оҕонньоттор ыһыахха диэри кэлэр диэччилэр.
Саас саамай хойутуур көтөрдөртөн куоҕас буолар. Ууга эрэ түһэр буолан, улахан күөллэр ырбыылара аһылыннахтарына биирдэ көрүөххэ сөп.
Кэнники сылларга көтөрдөр эрдэлиир буоллулар. Быйыл сааспыт да эрдэлээбит курдук. Онон сотору истиэхпит, ханнык көтөр кэлэн ааспытын.
СӨ Идэлээх сойуустарын үлэ быраабыгар иниспиэксийэтин салайааччы, СӨ үтүөлээх юриһа Наталья Ивановна Барковская ыйытыыга эппиэттиир. …
Техникум устудьуонуттан харчыны күһэйэн ылыыга уорбаланар сааһын ситэ илик уол хаайылынна. Мэҥэ Хаҥалас улууһугар баар…
Дьокуускай куоракка Муниципальнай тэриллиилэр бэрэстэбиитэллээх уорганнарын, дьокутааттарын 3-с сийиэһэ буола турар. Сийиэс үлэтин чэрчитинэн, Ил…
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…