Саха сиригэр көтөргө сайыҥҥы-күһүҥҥү булт болдьоҕун уларыттылар

Саха сиригэр булт болдьоҕор уларытыылар киирдилэр.  Экология министиэристибэтэ сүрүн киирбит уларытыылары быһаарда.

Ол курдук, бултанар күндү түүлээх кыыллар испииһэктэрэ хара оройдоох дьабарааскынан (Саха сирин көрүҥэ, соҕурууҥҥу популяцията киирбэт) эбилиннэ, булт болдьоҕо — бэс ыйын 15 күнүттэн балаҕан ыйын 30 күнүгэр диэри.

Сааскы бултка сыһыаннаах Булуҥ улууһугар уу көтөрүн бултааһын болдьоҕо уларыйда. Ол курдук, бултааһын ыам ыйын 30 күнүттэн бэс ыйын 8 күнүгэр диэри көҥүллэнэр.

Көтөргө сайыҥҥы-күһүҥҥү булт болдьоҕор биллэр-көстөр уларытыылар киирдилэр, онно «булчут ыттары уонна кыылы ылар көтөрдөрү кытта» уонна «кинилэрэ суох» бултааһыҥҥа тус-туспа кэмнэр араарылыннылар

Билигин көтөргө булт сезона арыллыыта урукку быһаарыллыбыт кэмин оннугар чуолкай күннэринэн-дьылларынан бигэргэннэ:

• бадараан-хонуу көтөрө (легавай ыттары, ретривердэри, спаниеллары уонна кыылы ылар көтөрдөрү кытта бултааһын) — атырдьах ыйын 15 күнүттэн ахсынньы 31 күнүгэр диэри;
• ойуур көтөрө, истиэп көтөрө, хонуу көтөрө (легавай ыттары, ретривердэри, спаниеллары уонна кыылы ылар көтөрдөрү кытта бултааһын) — атырдьах ыйын 15 күнүттэн тохсунньу 15 күнүгэр диэри;
• уу көтөрө (легавай ыттары, ретривердэри, спаниеллары уонна кыылы ылар көтөрдөрү кытта бултааһын) — атырдьах ыйын 15 күнүттэн сэтинньи 20 күнүгэр диэри;
• бадараан-хонуу уонна уу көтөрө — атырдьах ыйын 21 күнүттэн сэтинньи 20 күнүгэр диэри;
• истиэп уонна хонуу көтөрө — атырдьах ыйын 21 күнүттэн сэтинньи 20 күнүгэр диэри;
• ойуур көтөрө — атырдьах ыйын 21 күнүттэн ахсынньы 31 күнүгэр диэри;
• маҥан уонна туундура хабдьылара — атырдьах ыйын 21 күнүттэн тохсунньу 31 күнүгэр диэри.