Хаартыска: Уус Алдан Киин балыыһатын пресс-сулууспата
Былырыын Саха сирин үрдүнэн олох орто уһуна 72,9 сылга тэҥнэспитэ. СӨ Доруобуйаҕа харыстабылын министиэристибэтигэр эрэгийиэҥҥэ киһи өлүүтүн сүрүн төрүөттэрин ааттаатылар.
«Киһи өлүүтүн сүрүн төрүөттэрэ: сүрэх-тымыр, искэҥ ыарыылара уонна тас дьайыылар. 2024 сылга Саха сиригэр күүтүллэр олох уһуна 72,90 сылга тэҥнэспитэ. Бу Уһук Илин федеральнай уокуруктааҕар (68,60 сыл) үрдүк, ол эрээри Бүтүн Арассыыйатааҕы таһымтан (72,94 сыл) арыый намыһах», – диэн биэдэмистибэттэн иһитиннэрдилэр.
Ил Дархан Айсен Николаев Ил Түмэҥҥэ сыллааҕы туһаайан этиитигэр өрөспүүбүлүкэҕэ хас бэһис киһи өлүүтэ тас дьайыылартан тахсарын, ол эбэтэр ыарыыны кытта сибээһэ суох төрүөттэртэн буоларын, ол иһигэр үгүстүк маннык түбэлтэлэргэ арыгы содулар буоларын эппитэ.
Сүрэх-тымыр ыарыыларын утары охсуһуу дьаһалларын чэрчитинэн, эрэгийиэҥҥэ тымыр кииннэрин сайыннараллар, инсульт уонна инфаркт кэмигэр суһал көмөнү оҥорууну тэрийэллэр. Онкология ыарыыларын сэрэтэр сыалтан онко-сулууспа кииннэммитэ. Ону таһынан, көһө сылдьар биригээдэлэр үлэлэрин салгыыллар, быраастар ыраах улуустарга ыарыыны диагностыкалыырга уонна эрдэ булууга тахсаллар.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…