Саха сиригэр киинэни устуу туһунан

Бүгүн, атырдьах ыйын 27 күнүгэр, киэһээ 19:00 ч. «Россия 24» ханаалга «ВМЕСТЕ с Айсеном Николаевым» биэрии буолла.

Биэриигэ Саха сиригэр киинэ сайдыытын туһунан тиэмэ таарылынна. Санатан эттэххэ, элбэх хайысхалаах киинэ павильона тутулларын туһунан үөрүүлээх иһитиннэрии болҕомтону тардыбыта. Маныаха Ил Дархан Саха сиригэр киинэни устуу, оҥорон таһаарыы үлэтигэр улахан болҕомто уурулларын эттэ. Саха киинэтэ ханна да болҕомтону тардар буолбутун, Арассыыйаҕа ыытыллар бэстибээллэргэ, норуоттар икки ардыларынааҕы тэрээһиннэргэ үрдүк сыанабылы ыларын, биһирэнэрин ыйда.

Кэпсэтиигэ Ил Дархан байыаннай эпэрээссийэ, хорсун-хоодуот быһыыны оҥоруу туһунан киинэни дьон-сэргэ кэтэһэрин бэлиэтээтэ.