Саха сиригэр килиимэт уларыйыытыгар ирбэт тоҥ ууллуутун боппуруостарыгар кэмпириэнсийэ саҕаланна

«Саха сирэ ирбэт тоҥу, килиимэт уларыйыытын үөрэтиигэ улахан уопуттаах. Биһиги бу уопуппутун атын дойдулары, эрэгийиэннэри кытта атастаһарга бэлэммит», — диэн бэлиэтээтэ Ил Дархан Айсен Николаев.

Тээрээһиҥҥэ  модератор быһыытынан РНА корреспондент-чилиэнэ,  П.И.Мельников аатынан мерзлотоведение институтун дириэктэрэ Михаил Железняк кытынна:

«Кэмпириэнсийэҕэ «Устойчивость природных и технических систем при изменении климата» диэн блокка уопсайа 74 кыттааччы суруттарда. Өрөспүүбүүкэҕэ маннык кэмпириэнсийэ ыытыллыыта улахан тэрээһин буолар. Килиимэт уларыйыыта улахан суолталаах боппуруос.  Саха сирин олохтоохторо уонна биһиги кэллиэгэлэрбит килиимэт уларыйыытыгар ирбэт тоҥ уонна айылҕа усулуобуйатын дьайыыта хайдаҕын билбиппит.»

Арассыыйаҕа тас дойдулар дьыалаларын министиэристибэтин аатыттан , ону сэргэ Арктическай сэбиэккэ бэрэссэдээтэлистибэ уонна Арассыыйа МИД посола, Арктическай сэбиэт Кэмитиэтин дуоһунастаах сирэйдэрин бэрэссэдээтэлэ Николай Корчунов:

-Кэмпириэнсийэ Саха сиригэр ыытыллыыта мээнэҕэ буолбатах. Тоҕо диэтэххэ кини ирбэт тоҥ биһигэ буолар. Бу ирбэт тоҥ Саха сирин 95% ылар. Онон килиимэт усулуобуйатын уларыйыыта, ирбэт тоҥ ууллуута Саха сирин экэниэмикэтин уонна олоҕун-дьаһаҕын сүрүн суолтатынан буолар. Бу Саха сиригэр эрэ буолбакка, бүтүн Арктикаҕа бүттүүнүгэр суолталаах, — диэтэ дипломат.

РФ Федерациятын Федеральнай Мунньаҕын Сэбиэтин, Федерация Сэбиэтин бэрэссэдээтэлэ Валентина Матвиенко аатыттан кэмпириэнсийэ кыттыылаахтарыгар эҕэрдэни, таһаарыылаах үлэни Федерация Сэбиэтин эрэгийиэннээҕи бэлиитикэтин уонна олохтоох салайыныыга уонна Хоту дойду дьыалаларыгар кэмитиэтин бэрэссэдээтэлин солбуйааччы Александр Акимов тиэртэ.

Тээрэһин кулун тутар 22-24 күннэригэр ХИФУ былаһааккаларыгар ыытыллыаҕа.