Саха сиригэр клещкэ ытыртарыы ахсаана элбээтэ

Бэс ыйын 26 күнүнээҕи туругунан, Дьокуускайга уонна 14 улууска 472  киһини клещ ытырбыт. Ол иһигэр Амур, Иркутскай, Новосибирскай, Тульскай, Запорожскай уобаластарыттан, Хабаровскай, Приморскай, Ставропольскай, Забайкальскай, Красноярскай кыраайдартан ытыртаран кэлбит 22 түбэлтэ бэлиэтэммит. 

Клещкэ ытыртарыы элбэх түгэнэ  Ленскэйгэ — 236,  Алдаҥҥа — 77, Нерюнгригэ — 70, Өлүөхүмэҕэ — 34, Дьокуускайга — 32, Сунтаарга — 7 тахсыбыт.

472 ытыртарбыт киһиттэн 362-гэр клещ утары иммуноглобулиннаах серопрофилактика оҥоһуллубут, 86 киһи урут клещ энцефалитын утары вакциналаммыт эбит.

Өрөспүүбүлүкэ үрдүнэн барыта 12874  киһи, ол иһигэр 2309  оҕо быһыыны ылбыт диэн «Роспотребнадзор» Саха сиринээҕи управлениета иһитиннэрэр.