Саха сиригэр коронавируска үрдүк бэлэмнээх буолуу эрэсиимэ түмүктэниэҕэ

Саха сиригэр коронавируска үрдүк бэлэмнээх буолуу эрэсиимэ түмүктэнэрин туһунан ыйаах оҥоһуллан, илии баттанарга бэлэмин туһунан бүгүн, ыам ыйын 12 күнүгэр, СӨ бырабыыталыстыбатын бэрэссэдээтэлин солбуйааччы Ольга Балабкина иһитиннэрдэ.

«Саха сирин баһылыгар Роспотребнадзор Саха сиринээҕи управлениетын салайааччытыта Маргарита Игнатьеваттан коронавируска үрдүк бэлэмнээх буолуу эрэсиимин устарга иһитиннэрии киирдэ. Онон ыйаах тахсыаҕа. Бүгүҥҥү күҥҥэ өрөспүүбүлүкэҕэ коронавируһу утары 727 120 киһи быһыыны ылбыта биллэр. Пандемия тухары 225 532 киһи ыалдьыбыт», — диэн Ольга Балабкина этэр.