Андрей Сорокин (СИА) хаартыската
Ил Дархан Айсен Николаев Дьокуускай куоракка атын эрэгийиэннэр кыттыылаах «Айар Уустар/Творящие мастера» креативнай индустрияҕа идэтийбит маастарыстыба аан маҥнайгы чөмпүйэнээтин ыытар соругу туруорда.
«Креативнай индустрия кэллиэһин устудьуоннарын уонна преподавателлэрин «Айар Уустар» креативнай индустрияҕа идэтийбит маастарыстыба аан маҥнайгы чөмпүйэнээтин тэрийэр көҕүлээһиннэрин өйүүбүн. Олус үчүгэй идиэйэ. Биһиги Арассыыйа саамай креативнай эрэгийиэнинэн буолабыт, чөмпүйэнээти үрдүк таһымнаахтык ыытыахтаахпыт», – диэн Айсен Николаев устудьуоннары уонна преподавателлэри кытары көрсүһэригэр эттэ.
Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрэр.
«Айар уустар» креативнай индустрияҕа идэтийбит маастарыстыба аһаҕас чөмпүйэнээтэ алтынньы ый 10-16 күннэригэр Дьокуускай куоракка ыытыллыа. Тэрээһин көҕүлээччилэринэн Креативнай индустрия кэллиэһэ, СӨ профессиональнай үөрэхтээһинин сайдыытын института уонна СӨ Үөрэҕин уонна билимин министиэристибэтэ буолаллар.
Чөмпүйэнээккэ Ханты-Мансы автономнай уокуругун Югры Сэбиэскэй политехническай кэллиэһэ, Калининградскай уобалас урбаанын кэллиэһэ, Удмуртия Өрөспүүбүлүкэтин аан дойдутааҕы илин-европейскай кэллиэһэ, Челябинскай уобалас Соҕуруу Урааллааҕы судаарыстыбаннай кэллиэһэ уо.д.а кэлэн кыттыахтара.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…