Саха сиригэр “Крым сааһын” курдук

Share

Бүгүн, кулун тутар 18 күнүгэр, Крым Арассыыйа Федерациятын кытта холбоһуутугар анаммыт сибэкки дьөрбөтүн ууруу сиэрэ-туома Кыайыы болуоссатыгар ыытылынна.

Крым олохтоохторо модун Арассыыйаҕа холбоһор туһугар  2014 сыллаахха 97 бырыһыан куоластарын биэрэн, референдумҥа дьиҥнээх патриотизм, хорсун буолуу холобурун көрдөрбүттэрэ.

Дьокуускай куоракка дьоруой-куорат Севастопольга анаммыт өйдөбүнньүк  билиитэ таһыгар Волонтердар ресурснай кииннэрин, “Эдэр гвардия” чилиэннэрэ, бэтэрээннэр, ыччаттар, устудьуоннар, Дьокуускай куорат олохтоохторо уо.д.а. муһуннулар. Кинилэр бары илиилэригэр гвоздиканы, роза сибэккини туппуттар.

Үөрүүлээх миитини СӨ Ил Дарханын уонна СӨ Бырабыыталыстыбатын Дьаһалтатын салайааччыта Георгий Михайлов арыйда уонна тыл эттэ.

— Биһиги быйыл тохсус төгүлүн Крым Арассыыйаны кытта холбоһуутун бэлиэтиибит. Онон өрөспүүбүлүкэ салалтатын аатыттан бу бэлиэ күнүнэн эҕэрдэлиибин. Крым Арассыыйаҕа холбоһуутугар анаммыт тэрээһиннэр өрөспүүбүлүкэҕэ ыытыллыбыттара хас да хонно. Оройуоннарга бу бэлиэ даатаҕа эмиэ тэрээһиннэр буоллулар. Дьоруой-куорат Севастополь өйдөбүнньүк тааһын аттыгар туран, биһиги дойдубут бу уустук кэмҥэ түмсүүлээх буолуута олус суолталааҕын бэлиэтиибит, — диэтэ Георгий Николаевич. Кини салгыы Саха сирэ Крымы кытта ситимнээх бэлиэ историческай түгэннэрин тоһоҕолоон бэлиэтээтэ. Ол курдук, Саха казактарын полкатыттан саҕалаан Аҕа дойду Улуу сэриитигэр биһиги биир дойдулаахтарбыт Севастополь куораты көмүскээһиҥҥэ кыттыбыттарынан киэн туттан туран ахтыбытын эдэр ыччат улаханнык долгуйан, сэргээн иһиттэ.

Салгыы Дьокуускай куорат баһылыга Евгений Григорьев тыл эттэ. Кини эмиэ Крым уона Севастополь Арассыыйаҕа холбоһууларын историческай түгэн быһыытынна сыаналаата. “Дьокуускай уонна Крым, Дьокуускай уонна Севастополь” диэн холобурдаан эттэ. 1944 с. Аҕа дойду сэриитин кэмигэр Саха сирин 2000 олохтооҕо Крымы босхолооһуҥҥа кыттыбытын, 100 тахса киһи онно көмүс уҥуоҕа кистэнэн сытарын туһунан аҕынна.

“Саха сиригэр нуучча общината”, “Народный фронт за Россию” түмсүүлэр салайааччылара кытыннылар. “Боотур” этэрээт хамандыыра Александр Колесов тыл этиитин билиҥҥи балаһыанньаны кытта ситимнээтэ. Онон бүгүн Кыайыы болуоссатыгар историческай суолталаах бэлиэ түгэн буолан ааста.

Дьоруой-куорат Севастополь өйдөбүнньүк билиитэтигэр сүгүрүйэн туран, өрөспүүбүлүкэ Ил Дарханын уонна СӨ Бырабыыталыстыбатын Дьаһалтатын салайааччыта Георгий Михайлов сибэкки дьөрбөтүн уурбутун кэннэ, мустубут дьон биирдии-биирдии кэлэн ууран истилэр. Бу бэлиэ күнү өйдөөн-санаан аастылар. Онон Саха сиригэр даҕаны “Крым сааһын” курдук буолла. Күн-дьыл да туран биэрдэ.

Хаартыскаларга ааптар түһэриитэ
What’s your Reaction?
+1
0
+1
0
+1
0
+1
0
+1
0
+1
0
+1
0

Recent Posts

  • Байыаннай эпэрээссийэ
  • Сонуннар

Кулун тутар ый бүтүүтэ Үөһээ Бүлүү улууһун дэлэгээссийэтэ байыаннай дьайыы хонутуугар айанныаҕа

Бу күннэргэ анал байыаннай дьайыы зонатыгар бу сылга бастакы гуманитарнай сырыынан Үөһээ Бүлүү улууһуттан 4…

15 минут ago
  • Сонуннар
  • Тыа хаһаайыстыбата

Таба – эбээн сүөһүтэ

Билигин хоту эргимтэҕэ олорор 13 улуус Арктика түөлбэтигэр (зонаҕа) киирэллэр. Ол иһигэр Дьааҥы улууһа. Бу…

17 минут ago
  • Быһылаан
  • Сонуннар

Дьокуускайга КамАЗ массыына маршрутнай оптуобуһу кытта харсыспыт

Дьокуускайга КамАЗ массыына маршрутнай оптуобуһу кытта харсыһыытыгар 11 киһи эмсэҕэлээбит. Бу туһунан Доруобуйа харыстабылын министиэристибэтигэр…

45 минут ago
  • Быһылаан
  • Сонуннар

Аммаҕа баһаарга икки киһи өлбүтүнэн процессуальнай бэрэбиэркэ ыытыллар

Өлүөнэ өрүс уҥуоргу оройуоннар икки ардыларынааҕы Саха сиринээҕи Силиэстийэлиир кэмитиэтин отделынан  Амма сэлиэнньэтигэр баһаар чахчытынан…

47 минут ago
  • Сонуннар
  • Тыа хаһаайыстыбата

Кымыс оҥорооччу Серафим Григорьев

Үйэлэртэн-үйэлэргэ саха омук сүрүн дьарыгын хороҕор муостаахтары, сыспай сиэллээхтэри Куорунай улууһун Мытаах нэһилиэгин дьоно-сэргэтэ билиҥҥи…

1 час ago
  • Сонуннар
  • Уопсастыба

«МУУС УСТАР»: Асчыттар күрэстэрэ тыҥааһыннаах

Бу күннэргэ Дьокуускага "МУУС УСТАР-2025"  үбүлүөйдээх ыччат бэстибээлэ бэһис сылын буола турар. Быйыл тэрээһин 12…

1 час ago