Хаартыска: www.sakha.gov.ru
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн Арассыыйатааҕы баҕа өттүнэн кыттааччылар уопсастыбаннай хамсааһыннарын эрэгийиэннээҕи салаата, түөрт тыһыынча кэриҥэ волонтеру түмэр. Бу туһунан Култуура уонна духуобунай сайдыы министиэристибэтэ иһитиннэрэр.
“Култуура волонтердара, ханнык баҕарар атын волонтердар курдук биир соруктаахтар – үтүө дьыаланы оҥорууга көмөлөһүү. Култуураҕа бу киэҥ өйдөбүллээх уонна нэһилиэнньэ бары араҥатын хабар. Маны аҥаардастыы култуура тэрээһинин эрэ кытта ситимниир тутах, бүтүн олохпут сороҕотунан буолар. Итини таһынан, Саха сиригэр улахан пуорумнар, быыстапкалар, араас тэрээһиннэр ыытыллаллар. Онно сүрэхтэрин баҕатынан өйүүр дьон көмөтө суох хайдах даҕаны табыллыбат” – диэн миниистири солбуйааччы Мария Турантаева этэр.
“Култуура көмөҕө тиэтэйэр” бырайыак чэрчитинэн волонтердар байыаннай дьайыы кыттыылаахтарыгар уонна кинилэр дьиэ кэргэттэригэр көмөлөһөллөр. Кинилэр иис сыахтарыгар, ыстаапка, иллэҥ кэми атаарар тэрээһиннэри ыытыыга, ону тэҥэ, суһал лииньийэҕэ үлэлииллэр. Итини сэргэ, ыччакка уонна оскуола үөрэнээччилэр патриотическай тиэмэлэргэ квест ыыталлар.
Цииркэ артыыһа Дьулустан Софронов волонтердар хамсааһыннарыгар үс сыллааҕыта киирбит. Бу кэм устата анал байыаннай дьайыы кыттыылаахтарын дьиэ кэргэттэригэр хас да төгүл көмөлөспүт.
“Биһиги катамараннаахпыт. Байыаннай дьайыы кыттыылааҕын дьиэ кэргэттэрин луук хомуйуутугар, Өлүөнэ очуостарыгар сынньалаҥҥа илдьэбит. Хас сайын ахсын бэс ыйыгар кинилэргэ анаан арыыга ыһыах тэрийэбит” – диэн цииркэ артыыһа, култуура волонтера Дьулустан Софронов кэпсиир.
Санатан эттэххэ, “Култуура волонтердара” уопсастыбаннай хамсааһын 2019 сыллаахха тэриллибитэ, “Култуура” национальнай бырайыак иитинэн үлэлиир.
Бу туһунан Ил Дархан уонна Бырабыыталыстыба пресс-сулууспата суруйар.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Андрей Георгиевич Турантаев (17.10.1915 с-18.09.2005 с.) - СӨ култууратын үтүөлээх үлэһитэ, Аҕа дойду Улуу сэриитин…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…