Хаартыска: sakha.gov.ru саайтан
Саха сиригэр балаҕан ыйын 8-гар, Куоластааһын биир кэлим күнүгэр, 34 №-дээх Халыма-Индигиир биир мандааттаах быыбардыыр уокуругар норуот дьокутаатын талар эбии быыбар уонна 79 муниципальнай быыбардар ыытылыннылар, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Өрөспүүбүлүкэ Киин быыбардыыр хамыыһыйатын дааннайынан, Халыма-Индигиир биир мандааттаах быыбардыыр уокуругар 76,46 % куолаһы ылан, норуот дьокутаатынан Евгений Слепцов талылынна. Аллайыаха оройуонун баһылыгынан Яков Елисеев буолла (79,15 %), Аллараа Халымаҕа — 53,64 % куолаһы ылан Ярослав Бандеров, Өймөкөөҥҥө – Александр Оконешников (71,29%), Өлүөхүмэҕэ — Николай Харбин (49,84%), “Жатай” куораттааҕы уокурукка – Евгения Исаева (46,37%) баһылыгынан буоллулар.
Маны таһынан 36 олорор сир баһылыктара, улуус уонна олорор сир таһымнаах муниципальнай тэриллиилэр бэрэстэбиитэллээх уорганнарыгар дьокутааттар талылыннылар.
“Талыллыбыт дьон быыбардааччыларын итэҕэлин барытын толоруохтара диэн эрэнэбин. Биир улахан хамаанда буолан, төрөөбүт өрөспүүбүлүкэбит сайдарын уонна кини олохтоохторун туһугар үлэлиэхпит”, — диэн бэлиэтээтэ Ил Дархан Айсен Николаев.
КБХ иһитиннэрэринэн, быыбардар этэҥҥэ ааспыттар, быыбар сокуонун кэһии туһунан үҥсүү киирбэтэх.
Куоластааһын кэмигэр быыбардыыр учаастактары СӨ Уопсастыбаннай балаататынан уонна бэлитиичэскэй баартыйаларынан, хандьытааттарынан анаммыт 632 кэтээн көрөөччү хонтуруоллаабыттар.
Саха сирин сүүмэрдэммит хамаандатын биир бастыҥа күрэсчитэ Евгения Огородникова тустууга Арассыыйа первенствотын күрэхтэһиитигэр боруонса мэтээли…
Бүгүн, атырдьах ыйын 8 күнүттэн, “Саха сирэ – дьоруойдар сирдэрэ” өрөспүүбүлүкэтээҕи байыаннай дьайыы кыттыылаахтарыттан каадыры…
«Анаабыр» эрэгийиэннэҕи массыына суолугар «Бүлүү» федеральнай айан суолуттан Мииринэй куоратыгар диэри 11 килэмиэтиртэн тахса уһуннаах…
Бу сыл алтынньы 1 күнүттэн хамнастара федеральнай бүддьүөттэн үбүлэнэр үлэһиттэргэ хамнас төлөбүрэ индексацияланар - хамнас…
Бэрдьигэстээххэ «Үрдэл» түөлбэ олохтоохторо Кыайыы 80 сылын көрсө түөлбэлэр икки ардыларынааҕы күрэх чэрчитинэн искибиэри киэргэттилэр.…
Плейстоценовай паарка уонна Биологическай ресурсалар уонна ураты харыстанар сирдэр дириэксийэлэрин испиэлиистэрин эспэдииссийэтэ Анаабыр улууһун Улахан…