Хаартыска: СӨ Тутуу министиэристибэтин тг-ханаала
Саха сиригэр 2024 сыллаахха «Табыгастаах куортамнаах дьиэ» федеральнай бырагырааманы олоххо киллэрии саҕаланна.
Бу бырагыраама ирдэнэр исписэлиистэри бэйэҕэ тардыыга, олохсутан хаалларыыга, кинилэри чэпчэтиллибит куортамнаах, табыгастаах кыбартыыраларынан хааччыйыыга туһаайыылаах. Кыбартыыралар киһи киирдэ да олороругар бэлэмнэр – миэбэлэ, дьиэҕэ туттуллар тэрилэ барыта баар, диэн иһитиннэрэр СӨ Тутуу министиэристибэтин телеграм-ханаала.
Бастаан өрөспүүбүлүкэҕэ 850 кыбартыыра лимиитэ бэриллибит буоллаҕына, соторутааҕыта Уһук Илин социальнай-экэнэмиичэскэй сайдыыга бырабыыталыстыба хамыыһыйатын быһаарыытынан, Саха сирэ эбии 153 кыбартыыра лимиитин ылла. Ол курдук, Дьокуускай, Нерюнгри, Мииринэй уонна Алдан куораттарга холбоон, 1003 куортамҥа бэриллэр кыбартыыра тутуллуохтаах.
Билиҥҥи кэмҥэ Дьокуускайга 24 кыбартыыра тутулунна, онно дьон киирэн олороллор.
В 2025 сылга элбэх кыбартыыралаах биэс дьиэ үлэҕэ киллэриллэн, эрэгийиэннээҕи эпэрээтэргэ туттарыллыахтаах: Дьокуускайга — 141 кыбартыыра, Нерюнгрига — 192 кыбартыыра, Алдаҥҥа — 28 кыбартыыра.
Санатан эттэххэ, Арассыыйа бэрэсидьиэнэ Владимир Путин көҕүлээһининэн “Уһук Илиҥҥи федеральнай уокурукка табыгастаах куортамнаах дьиэ” бырагыраама саҕаламмыта. Саха сиригэр бырагыраама эрэгийиэннээҕи эпэрээтэринэн «СӨ олорор дьиэ бырагырааматын сайыннарар киин» АНО буолар.
Ил Дархан Айсен Николаев оробуочай сырыытынан Орто Халыма оройуонугар сылдьан улуус баһылыга Ярослав Бандеровтыын көрүстэ.…
ИДьМ Нерюнгритааҕы отделын дьуһуурунай чааһыгар суһал көмө диспетчерэ 36 саастаах эр киһи быһаҕынан анньыллан балыыһаҕа…
Биһиги ыраах сытар, уустук суоллаах-иистээх Аллайыаха улууһун Бөрөлөөх нэһилиэгэр Оҕо көмүскэлин күнүн сэргэхтик атаардыбыт. Ол…
Бэс ыйын 1 күнэ – аан дойдуга оҕо көмүскэлин күнэ. Бу бэлиэ күн чэрчитинэн Саха…
ИДьМ Дьааҥытааҕы полиция отделыгар олохтоох киһи сүтэрбит каартатыттан 100 тыһ.солк. тахса харчытын уорбуттарын туһунан иһитиннэрбит.…
РФ Оборуонаҕа министиэристибэтин байыаннай үрдүк үөрэҕин кыһаларыгар туттарсарга ыҥыраллар. Аҕа дойдуга сулууспалыырга олохторун аныан баҕалаахтарга…