Саха сиригэр куота-саһа сылдьыбыт Магадан уобалаһын олохтооҕо тутулунна

Томпо оройуонугар оперативниктар 18 мөл. солк. уорбут Магадан уобалаһыттан төрүттээх 29 саастаах дьахтары туттулар. Дьахтар федеральнай көрдөбүлгэ сылдьыбыт.

Бу иннинэ дьахтар уорууга уонна наркотигы тарҕатыыга холуобунай эппиэтинэскэ тардыллыбыт, ону сэргэ көҥүлэ быһыллыбыт. Бу туһунан ИДьМ пресс-сулууспата иһитиннэрэр.

Быйыл муус устар ыйга Магадан уобалаһыгар эр киһиттэн дьахтар 18 мөл. солк. уорууга уорбаланара быһаарылынна. Холуобунай эппиэтинэстэн куотан дьахтар кыбартыыра куортамнаан олорбут, сатыы сылдьыбыт. Ол эрээри бу дьаһаллар киниэхэ көмөлөспөтөхтөр.

Суһал-ирдиир тэрээһиннэринэн ИДьМ холуобунай ирдэбилин үлэһиттэрэ дьахтары Томпо оройуонугар туппуттар. Уорбаланааччы дьахтары хаайбыттар.