Саха сиригэр куртах-оһоҕос ыарыыларын сэрэтии нэдиэлэтэ ыытыллар

Сэтинньи 24 күнүттэн 28 күнүгэр диэри Саха сиригэр куртах-оһоҕос ыарыыларын сэрэтии нэдиэлэтэ ыытыллар. Бу туһунан  Доруобуйа харыстабылын министиэристибэтэ иһитиннэрэр.

Нэдиэлэ чэрчитинэн мэдиссиинэ тэрилтэлэрин сэрэтэр матырыйааллара СМИ тахсыылара, быраастар тэлэбиидэнньэҕэ уонна араадьыйаҕа тыл этиилэрэ былааннанар.

«Нэдиэлэ сыала-соруга — нэһилиэнньэ куртах-оһоҕос ыарыыларын туһунан билиитин-көрүүтүн үрдэтии, өрөспүүбүлүкэ олохтоохторугар доруобай олох дьаһаҕар көҕүлээһини үөскэтии уонна ыарыыны эрдэ быһаарыы, сэрэтии суолтатыгар болҕомтону тардыы буолар», – диэн эрэгийиэннээҕи биэдэмистибэҕэ бэлиэтээтилэр.

Министиэристибэҕэ куртах-оһоҕос  доруобуйата организм уопсай туругар сүрүн оруолу оонньуурун бэлиэтээтилэр. Куртах-оһоҕос систиэмэтэ аһы буһарыыны, иҥэмтэлээх эттиктэри иҥэриниинихааччыйар. Куртах, оһоҕос уонна систиэмэтэ атын уорганнары кытта дьүөрэлэһэн үлэлээһинэ – киһи бэйэтин үчүгэйдик сананарын уонна бары уорганнар, систиэмэлэр кэминэн үлэлииллэрин төрдө буолар. Куртах-оһоҕос ыарыыларын сэрэтии хас да суолталаах хайысханы киллэрэр. Исписэлиистрэр этэллэринэн, бу кэмҥэ усөпкө дьүөрэлээн аһааһын, сөптөөх кээмэйдээх клетчатканы, битэмииннэри уонна минераллары сиэһин буолар. Арыгыны аҕыйатар, табахтааһынтан уонна атын буортулаах үгэстэртэн аккаастанар суолталааҕын санаталлар. Эти-сиини эрчийии эмиэ аһы буһарар систиэмэ кэминэн үлэлииригэр көмөлөһөр диэн эспиэрдэр эрэллээхтэр. Доруобуйа харыстабылын министиэристибэтэ бэйэ организма биллэрэр бэлиэлэрин болҕойон истэргэ ыҥырар. Куртах-оһоҕос өттүттэн туох эрэ табыгаһа суох буолуу эбэтэр сибикилэр билиннэхтэринэ, бырааска кэмигэр көрдөрүнэргэ  сүбэлииллэр. Ыарыыны эрдэ быһаарыы уонна эмтээһин ыарахан содуллар үөскүүллэрин тохтоторго көмөлөһөр.