Андрей Сорокин (СИА)хаартыската
Муус устар 6-7 күннэригэр Саха сиригэр «Куттала суох Арктика-2023» уопуттуур-чинчийэр үөрэҕэ ыытыллыаҕа.
Өрөспүүбүлүкэ Ыксаллаах быһыыга-майгыга министиэристибэтэ, Быыһыыр сулууспата уонна атын даҕаны туһааннаах тэрилтэлэрэ быһылаан тахсыбытын суох оҥорорго, ол иһигэр ньиэп бородууктатын уонна баһаар содулларын туоратыыга үөрэҕи ыытыахтара.
Куттал суох буолуутун үөрэҕин тэрээһинин РФ ыксаллаах быһыыга-майгыга миниистирэ Александр Куренков уонна Саха сирин баһылыга Айсен Николаев астылар.
«РСЧС күүһүн-күдэҕин Саха сиринээҕи систиэмэтин салайар уорганнара «Куттала суох Арктика-2023» үөрэҕи ыытарга бэлэмнэр. Үөрэтии чэрчитинэн баазаҕа ньиэп бородууктатын тохтуутун уонна баһаар содулларын туоратыы тэрээһинннэрэ былааннаналлар. Ону таһынан өрөспүүбүлүкэ үрдүнэн 22 тыһ. киһи кыттыылаах сырдатар хайысхалаах дьыалабыай тэрээһиннэр буола тураллар», – диэтэ Айсен Николаев.
Муус устар 7 күнүгэр Дьааҥы улууһун Баатаҕай бөһүөлэгэр баар ньиэп баазатыгар, үөрэх быһыытынан, ньиэп тохтубутун уонна баһаар тахсыбытын туоратыы үөрэҕэ ыытыллыа.
«Куттала суох Арктика» үөрэх чэрчитинэн «төгүрүк остуоллар», сэминээрдэр, Арктика усулуобуйатыгар туһаныллар туһааннаах тэриллэр уонна тиэхиньиичэскэй сириэстибэлэр, обмундирование быыстапкалара ыытыллаллар. Маны сэргэ баһаарынай-быыһыыр успуорт көрүҥүгэр өрөспүүбүлкэтээҕи күрэхтэһиилэр буолан аастылар.
Бу иннинэ өрөспүүбүлүкэҕэ Дьокуускай – Баатаҕай уонна Дьокуускай – Орто Халыма маршруттарынан эспэдииссийэлэр ыытыллыбыттара. Быыһааччылар аныгы тиэхиньикэни боруобалаабыттара, суол быһылаана тахсыбытыгар эмсэҕэлээччини тырааныспартан хостооһун курдук көрдөрүү тэрээһиннэри, оскуолаларга мэдиссиинэ бастакы көмөтүн оҥоруу туһунан кэпсээбиттэрэ.
Арассыыйа ЫБММ маннык үөрэтиини тоҕус хотугу улууска ыытыаҕа. Маннык үөрэх сыалынан Арктика зонатыгар ыксаллаах быһыы-майгы тахсар түгэнигэр, ону туоратар уонна сэрэтэр биир кэлим систиэмэни оҥоруу буолар.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…